Home Notisia Konferénsia Nasionál OPMT: Promove Feto Ba Justisa Sosiál no Dezenvolvimentu

Konferénsia Nasionál OPMT: Promove Feto Ba Justisa Sosiál no Dezenvolvimentu

799
0
Konferénsia Nasionál OPMT. [Foto: Umbelina | 11.02.2022]

Reportajen Umbelina dos Reis

Organização Popular Mulher de Timor (OPMT) realiza konferénsia nasional ba da-haat ho tema “OPMT reziliente hori uluk, ohin loron no aban bai-rua,” ho partisipasaun delegada 395, hodi halo revizaun ba mata dalan no estatutu OPMT nian hodi hala’o knaar ho di’ak ba hakbiit no promove liu tan feto no kontra injustisa sosial oi-oin hasoru feto.

Sekretária Interior Jeral OPMT, Florentina Martins Smith iha konferénsia ne’e hateten, ba feto hotu-hotu iha Timor-Leste, lasamentu livru Buibere hamrik ukun rasik aan, obra ne’e OPMT konsege realiza iha nia lideransa, nu’udar omenajen ba kamarada Bikiak, Prezidente da Repúblika Dr. Fransisco Guterres Lu-olo rekoñese no valoriza saudoza nia kontribuisaun luta ba libertasaun nasional.

Veterana ne’e hatete, iha istória luta ba libertasaun nasional OPMT tama nu’udar organizasaun pioneira Timor nian, ne’ebé FRETILIN harii iha loron 28 Agostu 1975. OPMT hamriik nafatin ho rezilénsia katak buka oinsá de’it hodi hakat ho dezafiu no difikuldade maibé metin nafatin. Nia dehan FRETILIN harii OPMT ho objetivu atu liberta feto husi diskriminasaun iha aspeitu oi-oin, no promove kedas direitu igualdade entre feto no mane, bainhira hahú prosesu liberta pátria no povu.

“Luta ba libertasaun nasional konsagra iha Konstituisaun Repúblika Demokrátiku de Timor-Leste (KRDTL) liu husi artigu 17 ne’ebé garante igualdade ba feto no mane nia direitu no obrigasoens, domíniu vida familiar, kultura, sosiedade ekonomia no polítika. Hafoin restaurasaun Indepedénsia, OPMT hamutuk ho organizasaun feto sira seluk harii rede feto ne’ebé ohin loron iha ona organizasaun hamutuk 46,” hatete Florentina iha ámbitu konferénsia nasional OPMT da-haat ne’ebé hala’o iha Salaun Katedral, Díli, 11/02.

Nia hato’o, iha ámbitu parseria nian, oras ne’e OPMT halo relasaun di’ak ho ONG sira, halo parseria ho governu liu husi Sekretária Estadu Igualdade no Inkluzaun (SEII) hodi promove feto nia ezersaun ba justisa sosial no dezenvolvimentu.

“Parseria OPMT iha Timor-Leste ho governu bazeia ba programa SEII, prioridade ba, 1) hakbiit no haforsa ekonomia feto, 2) hamenus no halakon violensia bazeia ba jéneru, 3) haforsa feto nia partisipasaun ba polítika, 4) haforsa asisténsia ba feto, 5) haforsa feto asesu ba edukasaun, 6) implementa polítika abordajen ba integradu jéneru. OPMT sei haka’as aan ba programa SEII no hakarak atu hakbiit feto hodi kontribui diak liu tan iha vida familiar,” hatete veterna Florentina

Nia haktuir, OPMT nia papel importante iha tempu rezisténsia liu husi frente tolu, frente armada, frente kladestina no frente externa ka diplomátika, ne’ebé atinji ona objetivu luta ba libertasaun nasional ka ukun rasik aan.

Nia hatete, durante mandatu estrutura OPMT konsege halibur maluk feto sira liu husi meiu oin-oin hodi kordena servisu sira iha nível nasional to’o iha baze. Konferénsia nasional ida ne’e marka prejensa delegada hamutuk 395, ne’ebé kaer ba voleres ne’ebe mak mata dalan iha ba OPMT nia komprimísiu kontinua luta hasoru injustisa sosial, abuzu seksual saída de’it ne’ebé prejudika identidade povu Maubere nian.

Print Friendly, PDF & Email

LEAVE A REPLY

Please enter your comment!
Please enter your name here