Home Meio Ambiente UE no OXFAM Lansa Programa Rai Matak, Sei Fo Impaktu Positivu...

UE no OXFAM Lansa Programa Rai Matak, Sei Fo Impaktu Positivu Ba Ekonomia Agrikultor Sira

342
0
OXFAM ho UE asina Akordu no lansa programa Rai Matak. [Foto: Franciso JDA | 11.06.2020]

Reportazen Francisco JDA

Uniaun Europeia (UE) no OXFAM asina akordu no lansa programa “Rai Matak” ho objetivu atu fortalese ekonomia iha aldeia sira no sensibilizasaun kona ba degradasaun ambiental ho ligasaun ba agrofloresta ho Sertifikadu Komérsiu Karbonu Internasionál, ne’ebé bazeia ba esperiénsia ho susesu hodi agrikultura karbonu iha Postu Admistrativu Baguia Municipiu Baucau.

Hosi Inisiativa ne’e sei rezulta iha ai-hun 400,000 ho armazenamentu ba karbonu, liu toneladas 400,000. Ida ne’e sei iha impaktu direitu positivu ba ekonomia hosi agrikultor 2,000 no membru familia sira nain 6,000 too 10,000.

Oxfam’s Country Director iha Timor-Leste, Kathy Richards esplika liu hosi komunikadu imprensa katak, agrikultura karbonu ne’e situasaun manán ba Timor Leste, iha potensial atu aumenta agrikultor sira nia rendimentu anual no atu fasilita dezenvolvimentu ekonomia lokál no benefisiu ba rai no ambiente hadia seguranca alimentar

“Programa ida ne’e sei la’o too tinan 4, ida ne’e investimentu iha komunidade.  Agora dadaun sira mak infrenta araska tebes. Liu hosi programa ida ne’e OXFAM hamutuk ho parseiro sira ho Musan Ida, iha mós organizasaun nivel komunidade iha fatin seluk, atu aumenta vida moris ba to’os nain, liu hosi programa atu suporta sira atu kuda ai no toos nain mak sira mak tau matan ba sira nia ai no sira mak simu osan tinan-tinan”, hatetn Kathy Richards iha Metiaut Residensia Dr.Ramos Horta, 10/06

Iha fatin hanesan Embaixador Uniaun Europeia ba Timor Leste, Andrew Jacobs liu hosi hateten sente orgulho tebes ba inisiativa Lansa Rai Matak, tanba hosi programa ne’e sei reduz emisaun ba karbonu no sei lori rendimentu agrikultor  Timor oan sira

“Reflorestasaun ba área ambientalmente degradadu no sei ajuda komunidade sira atu dezenvolve. Ida ne’e kontente ho Europeian Green Deal, hanesan Uniaun Europeia nia estratéjia rasik ba dezenvolvimentu ekonómiku, hosi uja rekursu sira atu nune’e labele halo emisaun likidu ba gás sira ho efeitu estufa too 2050”, dehan Andrew Jacobs.

Orsamemtu ne’ebé fó apoio ba inisiativa Programa Rai Matak ho totál miliaun 3 dollar amerikanu, hola parte ba programa Global Climate Change Aliance ( GCCA+) ne’ebé finansiadu hosi Uniaun Europeia no programa ne’e sei implementa hosi OXFAM.

LEAVE A REPLY

Please enter your comment!
Please enter your name here