Reportajen Adroaldo “Saretukau”
Partidu Os Verdes de Timor (PVT), ho númeru sorteiu 6, wainhira hetan fiar hosi povu hodi kaer ukun iha eleisaun lejislativa ne’e, sei hatuur setór edukasaun hanesan xave importante ba dezenvolvimentu sustentável no hakarak garante sistema edukasaun ida kualidade ba jerasaun tuir mai.
Partidu Os Verdes hakarak hadi’a sistema kurríkulu hodi garante kualidade sistema aprendizajen entre eskola públiku no privadu. Formasaun ba profesores sira liga ba aprendizajen partisipatóriu (students leaning centers).
Alein de ne’e, sei investe iha eskola pre-eskolar no ensinu báziku sira ho modelu eskola verde, nune’e mos kria kondisaun no benefísiu ne’ebé adekuadu ba profesores hotu iha teritóriu laran tomak.
Partidu Os Verdes mos hakarak iha infraestrutura ida ne’ebé adekuadu no favorese ba manorin na’in ho ambiente ida ne’ebé ajuda estudante sente konfortavel, atu bele aprende (Eskola Verde). Sira mos sei promove edukasaun inkluzivu no asesivel ba ema hotu.
Tuir mai mak Partidu hakarak investe iha eskola ka Sentru formasaun vokasionál hodi fo espasu ba juventude sira ne’ebé la remata eskola, hodi hasa’e sira nia koñesimentu, abilidade no atitude atu bele asesu ba iha kampu serbisu. Programa ne’e raisk sei implementa hahú iha Postu Administrativu to’o nasional.
Programa edukasaun Partidu Os Verdes ne’e, Neon Metin asesu husi pájina ofisial partidu “Lian Os Verdes Ofisial.”
