Reportajen Adroaldo “Saretukau”
polítika ne’ebe foka liu ba iha investe makaas iha setór produtivu, saúde no edukasaun
Prezidente Partidu MLPM, Reis Kadalak hateten MLPM hakarak kompete iha eleisaun ida ne’e, tanba hakarak kontribui mos ba prosesu dezenvolvimentu nasionál, no wainhira hetan fiar sira sei foku dezenvolve no invest iha setór importante.
“Sei investe maka’as liu iha agrikultura, iha edukasaun, iha saúde, iha peskas, hodi nune’e hatama reseita boot ba nasaun no halo kreximentu boot ba família ida-idak ni-nian, ba koletivu no privadu sira,” dehan Reis Kadalak, iha primeiru dia kampaña eleitorál lejizlativa 2023 MLPM iha Sede Partidu, Bairo Pite, Dili, kuarta-feira, 19/04.
Iha parte sorin, Sekretáriu Jerál Partidu MLPM, José Domingos Martins hatete iha eleisaun ne’e, MLPM nia forsa mak estudante no juventude ne’ebé servisu laiha. Ba povu ai-leba ne’ebé ema duni ba mai, no povu Maubere tomak, tanba ne’e nia husu ba povu tomak atu tau fiar ba partidu MLPM iha eleisaun parlamentár tinan ne’e.
