Home Notisia Covid-19, Kalan Boot Oan Tanis, Francelina Fo Deit Bee Tan Laiha Susuben

Covid-19, Kalan Boot Oan Tanis, Francelina Fo Deit Bee Tan Laiha Susuben

722
0
Francelina Menezes inan kbiit laek ne'ebe hasoru situasaun Covid-19. [Foto: Santina Lucia da Costa | 06.05.2020]

Reportazen Santina Lucia da Costa

Situasaun susar ne’ebe maluk kbiit laek sira hasoru la kotu, sei iha tan inan kbiit laek sira seluk ne’ebe kontinua hikis sira nia kosar, hodi hatutan moris, maibe kbiit ne’ebe sira iha, labele tulun nia uma laran.

Istoria ida  mai hosi Francelina Menezes, idada 24 ho oan feto nain 4 halerik ho moris ne’ebe nia hasoru hamutuk ho oan sira. Impaktu hosi moras virus Corona no situasaun Estadu Emerjensia (EE) halo Francelina ho nia oan nain 4 no kaben tenke hulan todan ne’e.

Francelina nudar dona de casa, nia kaben lori Taxi, sira nia oan nain 3 eskola iha foho no oan ikun hela hamutuk ho sira.

“Katuas oan halai taxi, maibe agora Estadu Emerjensia tiha nia labele halai taxi, tanba tuir regras ne’ebe mak iha, ami lor-loron iha uma de’it, foos laiha, telefone ba maun sira iha foho ne’e mak sira lori mai ami han no hau nia oan ne’e hemu susu been, maibe agora Estadu Emerjensia hanesan ne’e, osan laiha atu hola susu been,  kalan boot nia hakfodak hader fali mai, hau fo bee galun de’it”,  hateten Francelina Menezes ba Neon Metin iha loron 5/5, fatin Tasi Tolu.

Francelina hateten loron ida han dala rua de’it, meudia ho kalan, tein meudia han tiha. Etu Oituan iha kontinua han iha tempu kalan hodi nune’e bele tein sukat.

“Antes seidauk dekreta Estadu Emerjensia, Katuas lori taxi nia salariu fulan ida $100, agora dekreta tiha Estadu Emerjensia, ami iha uma de’it, patraun dehan se estadu emerjensia hanesan ne’e salariu fulan nian laiha”,  hateten Francelina.

Francelina husu ba governu se bele tau matan netik ba ami kbiit laek sira ne’e, “ami nia moris lor-loron mak hanesan ne’e, ami la tur iha kantor ne’ebe situasaun Estadu Emerjensia hanesan ne’e ami hein osan fulan, ema tur iha kantor ne’e moris di’ak, kada fulan sira nia salariu iha”.

Tuir observasaun Neon Metin, agora dadaun uma kain refere, hela foos saku nanotak de’it, laiha osan atu hola labarik nia susu been, sira fo de’it bee ba labarik ne’ebe mak foin tinan rua  hodi hemu.

Print Friendly, PDF & Email

LEAVE A REPLY

Please enter your comment!
Please enter your name here