Home Notisia Covid-19, Agradese Ba Pesoal Ne’ebe Tulun Ona, Madalena: Hau La Nega Sira...

Covid-19, Agradese Ba Pesoal Ne’ebe Tulun Ona, Madalena: Hau La Nega Sira nia Favor

753
0
Madalena inan kbiit laek ne'ebe hasoru susar durante EE. [Foto: Santina Lucia da Costa | 06.05.2020]

Reportazen Santina Lucia da Costa

Relasiona ho notisia ne’ebe mak publika iha Neon Metin iha Loron, 29/4/2020, ho titulu “ Covid-19, Madalena Moris Hosi Hili Besi, Fos Lata 1 Hosi Vizinhos Aguenta Moris Loron Sorin Nian”, hosi nutisia refere Madalene konsege hetan tulun hosi pesoal balun, ne’ebe bele tulun Madalene hatutan nia moris iha situasaun Estadu Emerjensia

Ho tulun ne’ebe nia hetan, Madalena hatoo agradese ba pesoal balun ne’ebe mak tulun ona nia no Madalena sei la nega sira nia favor.

“Obrigadu no agradese boot ba maun no mana sira ne’ebe mak mai ajuda ida-rua. Hau sei la nega sira nia favor, tanba ami nia kbiit laiha tebes mak sira mai ajuda hau, na’in hira mai ajuda hau ne’e, hodi aguenta netik to’o agora, mais ema seluk husi ne’e seidauk mai ajuda hau no husi grupu ida mak hanesan GMN-TV mak mai ajuda fo plastik rua mai hau”, katak Madalena Jose ba Neon Metin ho Matan been, iha loron 5/5, fatin Tasi-Tolu.

Madalena dehan pesoal ne’ebe mak tulun nesesidade bazika mak hanesan Fos, hahan instant Mina no seluk tan.

Madalena hateten fulan ida ne’e hotu ona, nia bele lao fali ona ba hili lata, alminiu, fiu, besi no seluk tan. Se moras Corona ne’e kontinua iha no buat seluk akontese fali, ne’e kuitadu ami mak hanesan ne’e de’it ona no araska ba bee moos.

“Relasiona ho governu atu fo subsidiu $100 kada uma kain, hau trata ona dokumentu ficha familia ba hatama ona, ne’ebe agora dadaun ami hein hela. Atu foto kopi ficha familia ne’e mos osan laiha, hau ba husu familia katuas ida fo rai ba hau hela ba ne’e nia osan $2 dollar mak hau ba foto kopi dokumentus ne’e”, dehan Madalena.

Print Friendly, PDF & Email

LEAVE A REPLY

Please enter your comment!
Please enter your name here