Home Notisia Diocese Dili Apoiu Material Konstrusaun Ba Familia 33 Afetadu Hosi Inundasaun

Diocese Dili Apoiu Material Konstrusaun Ba Familia 33 Afetadu Hosi Inundasaun

402
0
Diocese Dili entrega sasan konstrusaun ba familia afetadu inundasaun. [Foto: Bernarda da Costa | 21.04.2021]

Reportazen Bernarda da Costa*

Relasiona ho inundasaun ne’ebe mak akontese iha loron 4 Abril, nune komunidade afetadu hosi inundasaun hamutuk 33 husi aldeia Mota ulun, Aldeia Karau-Matan, Aldeia Darlau no Ailok ne’ebe mak agora dadauk hela iha eskola EBF Bedois no eskola EBC Sabraka-Laran simu material konstrusaun husi Diocese Dili.

Amu Parokia Igreja Santa Terezinha do Menino Jesus Bedois, Pe.Alberto Franco Morato hateten iha inundasaun ne’ebe mak akontese, ekipa husi parokia Bedois identifika familia 58 husi aldeia 4 afeta ba iha inundasaun, no depois halo verifikasaun iha familia 33 mak hetan estragus makas ,25 hetan estragus kiik oan, husi numeru 25 ne’e depois de semana primeiru, ekipa fahe aihan ba sira no haruka sira fila ba sira nia hela fatin.

“Uma kain 33 ne’ebe mak ohin simu material, sei fahe ba grupu rua hanesan grupu primeiru ida ne’ebe identifikadu hanesan estragus total iha uma kain 10, mak sei simu kalen tahan 60 kada uma kain, profuzu ba besi kotak no kaleng nian hamutuk kaixa 4, besi kuda-kuda 9, gorden 12, no nia nia rin 4, no grupu segundu uma kain 23 identifika hetan estragus kikoan no sira sei simu kalen tahan 40, no material sira seluk sei simu hanesan deit,” dehan Amu Parokia Bedois ba jornalista sira iha igreja Bedois, 21/04

Amu Parokia ne’e mos haktuir iha familia 25 ne’ebe haruka fila ona ba sira nia hela fatin, sira ne’e simu uluk ona semente 10 saka kada familia no aihan sira.

Reprezentante Arce Bispu Diocese Dili reverendu Pe.Paulus Maia hateten iha inisiu fulan Abril iha Timor laran tomak hasoru problema bot ho inundasaun, timoroan barak mak sofre no afeta tebes ba iha inundasaun ema barak lakon nia familia no lakon hela fatin no seluktan.

“Hare ba realidade ida ne’e igreja la tur hakmatek no latur nonok deit, hodi hare ba iha ema sira ne’ebe mak sofre ba inundasaun ne’e, entaun husi Diocese nia partikular hare ba situasaun ne’e Amu Bispu foti inisiativa ida hodi buka dalan oinsa atu fo apoiu ba maluk sira ne’ebe iha momentu ne’e dadauk presiza tebes tulun,” dehan Pe.Paulus Maia.

 Diocese Dili hahu ho nia karidade kiik hodi loke ema barak nia matan no ema barak laran monu hakarak kontribui tebes ba vitima sira rezultadu mak ida ne’e husi Diocese Dili hahu ho buat kikoan no ema barak hakarak kontribui no fo apoiu ba maluk sira ne’ebe mak sofre ba inundasaun.

*(Bernarda da Costa nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here