Home Justisa Horta: Rezultadu Hosi Luta Independensia Mak Liberdade, La Konkorda Lei Defamasaun

Horta: Rezultadu Hosi Luta Independensia Mak Liberdade, La Konkorda Lei Defamasaun

1553
0
Eiz Prezidente da Republika, Dr. Jose Ramos Horta. [Foto: Francisco JDA | 11.06.2020]

Reportazen Francisco JDA

Relasiona ho inisiativa hosi Ministeriu Jusita halo projeitu Lei Defamasaun ne’ebe sei kriminaliza defamasaun, liu hosi entrevista ho jornalista sira, eiz Prezidente da Republika, Dr. Jose Ramos Horta hateten, kriminaliza defamasaun bele hamate liberdade espresaun no liberdade ema ida nian iha Timor-Leste.

Dr.José Ramos Horta hateten rezultadu mai hosi luta independensia mak Liberdade, bele kiak tebes maibé rezultadu independensia fo liberdade independensia totál ba povu, ema bele koalia, iha opiniaun no intervensaun polítika.

“Hau la konkorda ho Lei Defamasaun ne’e, ha’u komprende ne’e la’ós intensaun governu no Ministru Justisa nian, mais depois de jornalista sira komesa tauk, sosiedade sivil, estudante no akademia tauk. Governu iha tinan rua de’it, diak liu konsentra ba prioridade nasionál, iha situasaun Covid-19, diak liu kontinua polítika di’ak para halo”, hateten Horta iha nia rezidensia Metiaut, 11/06.

Eis Jornalista ne’e mos hateten rekuperasaun ekonómika, apoio komunidade,agrikultura, seguransa alimentar, bee moos, edukasaun, saúde nafatin iha problema.  Timor la’ós problema Covid de’it, liu liu prevensaun ba susesu problema boot iha Timor mak Dengue no Tuberkolose” hateten Dr. José Ramos Horta.

LEAVE A REPLY

Please enter your comment!
Please enter your name here