Home Notisia AJTL Realiza Diskusaun Editor Club, Promove Reportazen Sensibilidade ba Jeneru Iha...

AJTL Realiza Diskusaun Editor Club, Promove Reportazen Sensibilidade ba Jeneru Iha Sala Redasaun

300
0
AJTL, KI Hamutuk ho UNDP realiza Diskusaun Editor Club. [Foto: Media KI | 11.06.2020]

Reportazen Francisco JDA

Asosiasaun Jornalista Timor Lorosae (AJTL) realiza diskusaun Editor Club ba datoluk ho tema Promove Reportajen Sensivel Ba Jeneru Iha Sala Redasaun ho objetivu atu introdus importánsia ho reportajen sensitivu Jéneru ba editor no xefe redasaun sira, atu aumenta konesementu no abilidade, nune’e bele fo importánsia iha reportajen no fó espasu ba feto maluk sira nia lian iha media.

Prezidente AJTL,  Zevonia Vieira ba Jornalista sira hateten, anglu importante ne’ebé AJTL hanoin mak fo importánsia ba prespektiva Jéneru iha reportazen jornalista sira nian, liga ho issue nasional sira hanesan ekonomia, saúde, edukasaun, politika no issue sira ne’ebe presiza duni prespektvia jeneru ka ho  prespektiva jeneru ne’ebe diferente.

“Feto nia prespektiva ba issue desenvolvimentu ekonomia nee ne’e oinsá, sei diferente ho prespektiva mane nian, oinsa hosi prespektiva maluk ho difisensia sira nian no hosi grupu minoria ka marjinal. AJTL hanoin katak presiza iha prespektiva jender ba iha reportazen, atu nune’e bele akumula diversidade hanoin”, hateten Zevonia Vieira

Zevonia hatutan atu halao ida ne’e,  iha sala redasaun presiza promove uluk feto sira, atu sai xefe redasaun no editor, tanba hare hosi relatorio Konsellu Imprensa nian katak iha de’it 13% feto lidera instituisaun media”, hateten Zevonia Vieira iha Salaun KI Kintal Boot, 10/06

Zevonia hateten tuir observasaun AJTL nian feto potensia barak iha sebisu jurnalismu nian barak, maibe oportunidade ba sira mak seidauk iha. AJTL presiza aprosima instituisaun sira atu promove feto sira atu lidera instituisaun media, ho nune’e promove igualdade jeneru mos hahu ona hosi media.

Iha Fatin hanesan Diretora Juridiku Sosial, Consultoriu Barbara Nazareh Oliveira  ba jornalista sira hateten presiza halo esforsu no konsiente, ba servisu média nian, se karik hosi fontes prespektiva reflete ba sosiedade feto no mane iha posisaun hanesan, halo esforsu ida ne’e loron-loron.

“Ita tenki halo esforsu hatudu katak sei iha diskriminasaun barak hasoru feto, ho esforsu konsiente atu bele foti dalan seluk e garante sistema ida hotu mak ita sei bele halo”, tenik Barbara Nazareth Oliveira.

Programa diskusaun Editor Club ne’e serbisu hamutuk ho Konsellu Imprensa no TV Edukasaun no hetan apoiu hosi UNDP no KOICA. Programa refere sei realiza kada fulan ho editor no xefe redasaun sira, ho objetivu atu fahe esperiensia np fahe konnesementu konaba fungsaun sala redasaun.

Print Friendly, PDF & Email

LEAVE A REPLY

Please enter your comment!
Please enter your name here