Home Justisa Front Rakyat Maubere Ba West Papua Husu Timor Kontinua Fo Solidariedade Ba...

Front Rakyat Maubere Ba West Papua Husu Timor Kontinua Fo Solidariedade Ba Povu Papua

571
0
Front Rakyat Maubere untuk WEST-PAPUA halo konferensia imprensa. [Foto: Francisco JDA | 10.08.2020]

Reportazen Helena Pereira

Front Rakyat Maubere untuk WEST-PAPUA halo konferensia imprensa relasiona ho problema ne’ebe akontese iha mundu ohin loron, tantu problema umanidade no dezastre naturais.

Liu hosi konferensia imprensa portavoz Front Rakyat Maubere, Miguel Moniz Arcanjo da Silva hateten, problema ne’ebe akontese iha komunidade, estadu laiha kbiit atu bele resolve nia problema mesak, tanba ne’e mak mosu solidariedade oi-oin inklui iha Timor-Leste, liu-liu problema umanidade hahu hosi era okupasaun Indonesia.

Miguel informa katak sira simu solidariedade barak hosi rai liur, bainhira Timor-Leste akontese krizi 2006, hetan soliedaridade hosi rai sira seluk, ohin loron povu Papua presiza soliedaridade ba problema violasaun direitus umanus ne’ebe akontese.

“Oinsa bele akompanha issu Papua independen iha Timor-Leste, ita hanoin katak laos de’it Front Rakyat  Maubere mak fo apoiu ba povu Papua, nakloke mos ba entidade hotu hanesan governu, sosiedade sivil no se de’it mak iha interese atu fo apoiu ba soliadaridade ba Papua Barat, para bele loke palku oinsa issu Papua independente ka ukun rasik an, bele koalia iha deskursu sira iha Timor-Leste”, deklara porta voz Front Rakyat Maubere untuk West-Papua iha ediifsiu  Sekretariadu TRABALIAN 10/08.

Miguel informa katak prosesu solidariedade bo’ot liu iha entidade universitario sira, entaun husu ba autoridade universidade  iha Timor-Leste no NGO, atu bele fo espasu no palku ba issu Papua independen, hodi fo kontribuisaun ba  povu Papua.

‘’Ita koalia iha kontextu violasaun direitus humanus barak akontese, pro ezemplu, liberdade ba koalia, Papua laiha media barak hanesan nasaun sira seluk, iha Papua liberdade hanesan ema tau tiha tali ba kakorok, militar mak nakonu no aparellu represivu mak nakonu iha ne’eba”, Miguel sublinha.

Durante 60 anos Indonesia koalia konaba koinesimentu povu Papua nian, durante 60 anos Indonesia okupa povu Papua nafatin iha kotuk no povu Papua barak mak la asesu edukasaun nebe as.

*(Helene Pereira nudar estajiadu iha Media RENETIL Neon Metin)

LEAVE A REPLY

Please enter your comment!
Please enter your name here