Home EduTek UN Women: Formasaun Literásia Dijitál Ba Joven Sira, Kontra Lia Fuan Ódiu...

UN Women: Formasaun Literásia Dijitál Ba Joven Sira, Kontra Lia Fuan Ódiu no Promove Koezaun Sosiál

255
0
Joven sira partisipa iha seremonia simu sertifikadu literasia dijital. [Foto: Oqui | 27.04.2022]

Reportajen Calisto dos Santos Oqui

UN Women oferese sertifikadu ba joven sira ne’ebe mak partisipa ona iha treinamentu Literasia Dijitál, ho objetivu kontra liafuan odiu no promove koezaun sosial, no kombate informasaun falsu sira ne’ebe fo impaktu ba komunidade, liu-liu grupu vulneravel sira.

Liuhusi seremonia distribuisaun sertifikadu, Formador Joanita Antonieta Pinto hateten atividade konaba literasia dijitál halao ona iha munisípiu Dili, Ermera, Liquisa no Manatuto hodi hasae joven sira nia koñesimentu uza plataforma dijitál.

Iha fatin hanesan, Ofisial Komunikasaun UN Women, Helio Miguel hateten inisiativa husu fundu husi governu Australia , atu apoiu ba programa literasia dijilta hodi kontra informasaun ne’ebe la los ka falsu, liu-liu publika iha online, tanba bele fo impaktu negativu ba labarik feto no komunidade sira.

“Foinsa’e sira ne’ebé mak ativu iha média sosial ,no mós ita hatene katak média sosial iha nia audiénsia boot iha fatin hotu, entaun iha halo protaforma ida ne’e atu sai instrumentu pasa mensajen sira, ne’ebé sai problema sosial iha global no mos iha Timor-Lest”, dehan Miguel iha Timor Plaza, 26/04.

Entretantu Prezidente Konsellu Imprensa, Virgilio da Silva Guterres hateten, formasaun ida ne’e importante tebes no urjente tebes, moris iha sosiedade ne’ebe mak asesu informasaun liuhusi sosial media hodi asesu informasaun oin-oin

“Atu hetan informasaun importante ba ema ida-idak, atu dezemvolvimentu nia an, no ema ida-idak tenke iha kuinesimentu natoon, konaba oinsa utiliza no meius ne’ebé iha komputador no ninia telemovel  no tablet sira” dehan Prezidente KI

Virgilio mos dehan formasaun ne’e importante teves ba joven sira liu-liu ba kotestu luta ba labarik feto, tanba feto mak sai vulneravel liu ba situasaun ida ne’e. nia mos mos husu joven sira, liu-liu feto atu iha konnesementu ne’ebe diak, no iha kompeténsia atu bele domina komunikasaun no oinsá halo komunikasaun ho ema seluk

Programa Literasia Djital ho fundu Governu Australia (DFAT), liuhusi UN Women nia edifisiu Regional Azia no Pasífiku iha Bangkok Thailand, hahú husi 2020 servisu hamutuk ho foin sa’e 200 resin hala’o treinamentu Literasia Dijital hodi kontra liafuan odio no promove koezaun sosial hanesan parte ida husi esforsu rejional nia atu promove violénsia ekstrimismu. Treinamentu ne’e implementa ona iha faze daruak, faze dahuluk remata iha 2020 no faze daruak hahú husi 2021-2022.

Hare ba media sosial ne’ebé sai ona hanesan fonte importante ida ba informasaun no komunikasaun iha Timor-Leste, partikularmente iha grupu foinsa’e sira, importante tebes atu foti asaun hasoru propogasaun husi informasaun sira ne’ebé laiha kontrolu no liafuan odio sira iha plataforma media sosial sira.

Liutan ida ne’e, konteudu negativu online mos dalabarak liga ba asuntu estereotipu jéneru, ne’ebé ikus liu kauza ba violénsia bazeia ba jéneru no hamosu sofre maka’as liu ba feto, labarik feto, grupu vulneravel sira hanesan ema ho defisiensia no komunidade LGBTI. Fornese guia no treinamentu literasia dijital ba utilizador media sosial sira (partikularment ba foinsa’e) hodi kria koezaun sosial iha plataforma online, importante tebes atu hahú husi agora kedas.  

Kapasitasaun barak hala’o ona no ativamente involve direita foinsa’e, lider komunitaria, SEII, Konsellu Imprensa Nasional, Asosiasaun Jornalista Timor Lorosa’e, Grupu Ativista no Influensador media sosial sira hodi halo advokasia ba kria espasu internet ne’ebé seguru ba ema hotu.

Print Friendly, PDF & Email

LEAVE A REPLY

Please enter your comment!
Please enter your name here