Home EduTek CEFTEC Hahu Formasaun Profesional Ba Daruak nian Iha Area Komunikasaun Social

CEFTEC Hahu Formasaun Profesional Ba Daruak nian Iha Area Komunikasaun Social

230
0
SEKOMS ho CEFTEF halo abertiura ba formasaun daruak. [Foto: Marcio Morato | 12.08.2020]

Reportazen Marcio Morato Pinto

“Centro Formação Técnica em Comunicação (CEFTEC) hahu halo abertura ba segunda etapa husi Kandidato selesionado 116 formantes ne’ebe maka ami rejisto, liu husi linhas ministeriais, finalista universitarios no mos balu reprezenta husi seitor privado sira. Entretanto papel importante husi centro ida ne’e maka, halo formasaun ba profissionais sira ne’ebe iha área komunikasaun Social no mos ba jornalista sira” Luis Evaristo

Centro Formasaun Téknika komunikasaun (CEFTEC) hahu ona formasaun ba etapa daruak ne’ebe ne’ebe foka iha area komunikasaun social.

Diretor CEFTEC, Luis Evaristo ba Neon Metin hateten CEFTEC loke inskrisaun bainhira atu hahu formasaun ruma. Iha fulan Julho loke ona inskrisaun ba unidade hakerek imprensa no ba unidade ba formasaun televisaun nian.

“Formantes sira ita kategoria tuir sira nia parte, primeiro ita fó prioridade ba linha miniteriais sira, ami diriji karta oficialmente ba sira nia superior atu delega sira nia profissionais ne’ebe maka serbisu iha sira nia ministerio no iha parte seluk ita loke mos ba finalista ensino superior sira, maibe ita mos sei halo selesaun ba sira, hafoin sira bele hetan oportunidade ba formasaun”, dehan Luis Evaristo iha sala formasaun ba formantes sira iha Palacio do Governo, Díli, Terça feira, 11/08.

Diretor ne’e mos apresenta katak CEFTEC prepara ona formador sira ne’ebe kualifikadu, iha área komunikasaun nian atu fó formasaun ba formantes sira iha etapa ba dala rua nian.

 “Ita mos presiza selesiona formador ida ne’ebe diak atu fó formasaun ba ita boot sira. Kada modo formasaun talvez sei iha formador 3 ka 4. Iha unidade televisaun nian ita iha rekursos proprio atu fasilita formasaun ba formando sira, além de teoria no prátika ita mos iha mínimo equipamentos ne’ebe maka bele facilita ita boot sira” dehan Diretor.

Diretor Luis fundamenta katak centro ida ne’e funsiona hanesan embrião no sei transforma ba Instituisaun ba formasaun jornalista, ho objectivo atu fó apoio ba ministerio sira ne’ebe maka presisa rekursos humanos.

“CEFTEC ne’e funsiona hanesan embrião no sei transforma ba Instituto Formasaun ba Jornalista, entaun ita hahu dadaun prepara ita nia formantes sira atu simu formasaun husi formador ne’ebe maka iha. Ho kondisaun sira ne’e maka ita bele transforma CEFTEC ba estabelecimento Instituto Formasaun jornalista.” tenik Luis.

Iha fatin hanesan Secretario do Estado de komunikasaun Social (SECOMS), Mericio Juvinal propoin atu formasaun ida ne’e lao diak liutan, CEFTEC presiza fó formasaun konaba Língua Tetun no Português, atu nune’e linha komunikasaun ne’ebe maka iha, bele iha ninia signifikado ne’ebe maka diak.

Iha abertura ida ne’e Mericio aprezenta katak objectivo ba formasaun tuir Curriculum SEKOMS nian maka, hasae kualidade rekursos humanos nian liuliu iha parte komunikasaun.

“Objetivo ba formasaun husi parte Curriculum SEKOMS nian maka presiza hasae kualidade rekursos humanos nian iha área Komunikasaun Social, presiza iha kualidade ne’ebe as liu tan, perfeito liu tan, hodi nune’e bele reprezenta koverno ka ministerio ne’ebe kualifikado” tenik Mericio.

Mericio observa katak formantes sira presiza dedika an ba formasaun ida ne’e, atu nune’e iha futuru bele sai ema ne’ebe professional no diplomata iha área komunikasaun nian.

Ho nune’e formador sira presisa explora creatividade no habilidade saida de’it maka iha, hodi nune’e bele aumenta formantes sira nia experiência no bele desenvolve diak liu tan sira nia capacidade hodi facilita sira atu halao prátika iha vida komunikasaun nian.

Formasaun ida ne’e atu aprofunda espesialidade ba área komunikasaun nian, liuliu iha área jornalismo nian. Formasaun ida ne’e estabelece husi diresaun Centro Formasaun Téknika komunikasaun (CEFTEC) ninian, iha Sekretaria do Estado Komunikasaun Social. CEFTEC rasik laiha apoio ou parseria husi oragaun sira seluk, maibe ida ne’e papel importante CEFTEC nian, hanesan diresaun Nacional ida ne’ebe maka halo formasaun iha área komunikasaun Social ninian.

LEAVE A REPLY

Please enter your comment!
Please enter your name here