Home Notisia PN Adia Eleisaun Membru KI, Virgilio Seidauk Simu Pedidu Hosi Komisaun A

PN Adia Eleisaun Membru KI, Virgilio Seidauk Simu Pedidu Hosi Komisaun A

255
0
Virgilio Guterres iha konferensia AJTL. [Foto: Santina Lucia da Costa | 05.07.2020]

Reportazen Zevonia Vieira

“Hau sei responde nudar Prezidente KI, mais hau sei la hatan nudar ema ne’ebe eleitu liu hosi konferensia AJTL, ne’e ema seluk mak sei hatan”. Prezidente KI

Relasiona ho deklarasaun hosi Komisaun A Parlamentu Nasional ne’ebe sei adia eleisaun ba membru Konsellu Imprensa nian, ho razaun hein esklaresimentu hosi Virgilio Guterres ne’ebe eleitu hodi reprezenta jornalista ba tur iha Konsellu Imprensa, liu hosi konferensia Asosiasaun Jornalista Timor Lorosa’e (AJTL) ne’ebe halao ona iha fulan Julhu ho votus maioria 221.

Liu hosi nutisia ne’ebe publikua hosi agensia Tatoli, Deputada Lidia Norberta Martins deklara katak Komisaun A lideradu Deputadu Joaquim dos Santos hato’o ona pedidu ba Virgilio Guterres ne’ebe reprezenta AJTL hodi ba tur iha Konsellu Imprensa, hodi fo resposta durante loron 15 nia laran, tanba relasiona mos ho petisaun ne’ebe hatoo hosi jornalista nain 31 ba Parlamentu.

Ho deklarasaun refere Neon Metin halo konfirmasaun ho Virgilio Guterres ne’ebe eleitu hosi konferensia AJTL no nudar atual Prezidente Konsellu Imprensa, ba Neon Metin Virgilio hateten katak to’o loron 20 Sesta Konsellu Imprensa no nia rasik sedauk simu notifikasuan ruma hosi Komisaun A Parlamentu Nasional.

“Hosi Sesta 20 Novembru KI no hau sedauk simu karta ou notifikasaun hosi Parlamentu Nasional. Pelu menus KI mos halo plenaria iha loron sesta 20 Novembru, tuir hau nia hatene sekarik iha karta ou notifikasaun ruma, parte exekutivu sempre tau iha agenda konaba karta ou notifikasaun ruma hodi halo diskusaun, keta halo surat tama ona maibe hau sedauk hatene”, hateten Virgilio Guterres via telefone, 22/10.

Virgilio hatutan sekarik notifikasaun ne’e KI simu ona no sei hatan nudar Prezidente Konsellu Imprensa, “hau sei responde nudar Prezidente KI, mais hau sei la hatan nudar ema ne’ebe eleitu liu hosi konferensia AJTL, ne’e ema seluk mak sei hatan tanba KI mak organiza konferensia tolu ba AJTL, Timor-Leste Press Union (TLPU) no Media nain nian, ho nune’e sei hatan nudar orgaun ida ne’ebe mak tuir Lei hateten konaba dever no responsabilidade hosi Konsellu Imprensa”.

“Kuandu simu ona notifikasuan ami sei halo diskusaun liu hosi plenaria hamutuk ho ami nia parte juridiku sira hodi hare no hatan”.

Ba Neon Metin Prezidente KI mos relata katak agensia tatoli rasik sedauk halo konfirmasaun ho nia relasiona ho nutisia ne’ebe mak hatun ona konaba pedidu hosi Komisaun A ba Virgilio Guterres

LEAVE A REPLY

Please enter your comment!
Please enter your name here