Home EduTek Eskola Sekundaria Jeral Publiku Suai Menus Sala de Aula, Livrus no Laboratoriu

Eskola Sekundaria Jeral Publiku Suai Menus Sala de Aula, Livrus no Laboratoriu

516
0
Eskola Sekundaria Jeral Publiku Suai . [Foto: Franscelino Freitas - ESJP | 30.08.2020]

Kontributor Chamot Bere Badaen

Eskola publiku sira kontinua hasoru difikuldade sira, tanba falta fasilidade sira ne’ebe mak bele apoiu prosesu aprendizajen. Situasaun refere hetan iha Eskola Sekundaria Jeral Publiku (ESJP)-Suai, tanba durante menus sala de aula, hodi hala’o prosesu apredizajen, menus livrus manual no laiha kaderneta escolar ba estudante sira.

Diretor ESJP- Suai, Francelino Freitas Carvalho afirma iha ESJP-Suai la’os deit menus sala de aula, maibe sei falta mos fasilidade iha sala Laboratoriu, atu hadi fasilita estudante sira hodi halo pratika.

Diretor ne’e mos fundamenta katak ESGP-Suai mos infrenta menus livru manuais kona ba siensia naturais ninian.

“Buat barak mak ami sei menus iha ami nia eskola, hahu husi sala de Aula no Livru manuais sira liliu ba Siensia pratika sira hanesan falta ekipamentu pratika iha ami nia sala laboratoriu”, hateten Diretor Francelino iha Suai, 30/08.

Maske nune’e Diretor ne’e dehan eskola refere hatoo ona rekomenda ona proposta ba Ministerio Edukasaun, Juventude no Desportu, liu husi Diretor Jeral, Antonino Pires hodi husu livru manuais no Guia de profesores maibe to’o agora sei dauk iha resposta ba asunto ne’e.

“Ami Menus livru Manuais hanesan matematika, kimika, fizika, Biologia ne’e kuaze laiha ona, ida ne’e laiha husi kedas Diretor Anterior nia tempo kedas, la’os foin agora”, hateten Diretor Francelino.

Franscelino informa katak eskola ne’e konsege hetan ajudus hosi Vice Ministru Edukasaun maibe livru sira ne’e mesak livru manuais siensia sosiais deit, la’os livru manuais siensia naturais nebe eskola persija liu iha ami nia eskola ne’e.

Diretor ne’e mos dehan iha ESGP-Suai iha deit sala de Aula 19 nebe la sufisiente, atu utiliza hodi hanorin estudante hamotuk 2123, tanba ne’e ESGP-Suai ba dadaun ne’e impresta sala 16 husi Escola Basico Central (EBC)-Ladi hodi hanorin Estudante desimu segundu ano (klase 2) iha oras loraik.

“Ba dadaun ne’e ami impresta hela sala 16 husi EBC-Ladi, tan ami laiha sala nebe sufisiente atu tau hamotuk estudantes sira iha ami nia sala de aula 19 nebe ami iha agora. Tan ne’e estudantes hamotuk atus hitu resin mak agora dadaun ne’e uja hela sala 16 iha EBC- Ladi hodi halo Prosesu Aprendizajen iha neba”, dehan Diretor Franscelino ba RCCT via Telefone Domingo (30/08/20).

Francelino mos dehan husi 2017 to’o 2020 ESGP-Suai laiha kaderneta eskolar nebe lolos ne’e Ministerio edukasuan fo Gratituita ba eskola hotu iha teritoria Timor Laran tamak.

“Probleama ida fali ami infrenta mak ami laiha kaderneta eskolar ba estudante sira, ami uja deit surat tahan hanesan kaderneta provizoria ba estudante sira, tanba ami persija hatudu. Valor Ezame ba inan/aman estudante, entaun depois de izame primeiru periodu to’o terseiru periodu hotu ami tenki relata ba inan/aman estudante kona ba valor de ezame estudante sira nian”, tenik Francelino.

Tanba ne’e Franscelino dehan eskola tenki fo fila fila surat tahan ne’e ba estudante sira, tanba dala barak estudante halo lakon tiha surat tahan (kaderneta provizoria).

LEAVE A REPLY

Please enter your comment!
Please enter your name here