Home Notisia Gregorio: Ami Orgullu Bele Kontinua Mestre Sira nia Obra Iha PATIFOR

Gregorio: Ami Orgullu Bele Kontinua Mestre Sira nia Obra Iha PATIFOR

2038
0
PATIFOR iha konferensia imprensa. [Foto: Zevonia Vieira | 30.08.2020]

Reportazen Zevonia Vieira

Partidu Timor Forte (PATIFOR) deklara ba publiku relasiona ho fulan tolu PATIFOR moris nudar partidu no oras ne’e dadauk prepara hela prosedimentu legal nian. Hatan ba perguntas hosi Timor Post konaba tanbasa hakarak sai hosi partidu FRETILIN no harii fali PATIFOR?

Ba Timor Post Prezidente Interinu Gregorio Saldanga ‘Mouris” hatan katak Konstituisaun RDTL garante direitu do opsaun ka direitu de eskolla, tanba ne’e laos pekadu atu harii partidu seluk.

“Partidu ami harii hanesan responsabilidade, ami assume no kontinua obra ne’ebe mak maun boot sira halao ona, ami la mai dezafia maun sira seluk ho partidu sira seluk, tanba ami alunu no maun sira nudar mestre tenke orgullu ho alunu hodi kontinua sira nia obra. Ami mos tenke orgullu no kontente tanba ami bele kontinua sira nia obra iha PATIFOR, ida ne’e mak uluk ami aprende hosi sira, katak ita tenke kontinua serbisu ho responsabilidade ba ita nia rain”, hateten Gregorio.

Liu hosi konferensia imprensa ne’e mate restu 12 Novembru ne’e mos hateten ohin loron ita iha kbiit no oportunidade hodi komemora Konsulta Popular ba tinan 21. Konsulta Popular ne’ebe halo ho Nasoins Unidas nia mhon okos, iha loron 30 Agostu 1999 liu ba. Hanesan mometu importante ne’ebe hakotu povu Timor-Leste nia tesu naruk hosi rai liur nia ukun.

“Ita hotu ne’ebe agora sei moris, iha obrigasaun atu fo obrigadu ba Maromak, obrigadu ba matebian as’wain no martires sira, inklusivamente bebe ka anju labarik sira hotu, ne’ebe mate iha funu laran, no mos obrigada ba rai Timor-Leste nia nain sira hotu”, hateten Gregorio

Prezidente PATIFOR mos hatoo nia obrigado no parabens ba diresaun funu nian hosi tinan 1975 to’o 1999 hanesan CCF ASDT/FRETILIN ho FALINTIL, ba diresaun Frente Armada, Frente Klandestina no Frente Exterior ho orgaun funu nian sira hanesan CRRN, CNRM, igreja Katolika, organizasaun Juventude Estudantil sira, ba solidariedade Internasional no povu Maubere tomak, ne’ebe ho brani foti desijaun desidi rasik nia destinu.

Relasiona ho realidade politika no sosial ekonomika iha sosiedade, Prezidente PATIFOR apela ba ulun boot politiku sira atu buka malu, hakotu sira nia naksalak liu hosi Nahe Biti Boot hodi buka solusaun no hadia fali sira nia relasaun, hodi kaer hametin ita nia unidade nasional, atu nune’e bele fo’o atensaun liu ba dezenvolvimentu nasional.

PATIFOR mos apela ba orgaun soberania sira, liu-liu exekutivu ho lejislativu hodi fo’o atensaun boot serbi no resolve uluk povu maubere nia moris susar hanesan aihan, bee moos, uma, saude edukasaun, agrikultura, infra-estrutura basikas, Estrada rural, eletrisidade no seluktan, “em vez de resolve uluk serbidor sira nia nesesidade rasik”.

LEAVE A REPLY

Please enter your comment!
Please enter your name here