Home Notisia Hosi Rotan Produs Sai Meza, Kadera no Armari, Bela Konsege Tulun Hare...

Hosi Rotan Produs Sai Meza, Kadera no Armari, Bela Konsege Tulun Hare Alin Sira nia Eskola

458
0
Bela Coreia uza rotan produs sai kadera, meza no armari. [Foto: Francisco JDA | 12.08.2020]

Reportazen Francisco JDA

Kria ekonomia nudar serbisu importante ida, harii ekonomia ne’ebe laos depende ba seitor publiku ka governu mos foti parte hosi dezenvolvimentu ekonomia iha rai laran.

Bainhira ema ida iha kreatividade, komitmentu ho hanoin inovativu, nia bele ona harii ekonomia hosi nia an rasik.

Iha ohin loron presiza tebes partisipasaun feto ho mane, hodi kria ekonomia hosi nia komitmentu rasik, ne’ebe la dependensia ba governu.

Neon Metin hasoru diretamente ho feto maluk Bela Coreira, hosi municipiu Manatuto, ne’ebe halo produsaun hosi rotan.

Bela Coreia Feto maluk ida mai hosi Municipiu Manatutu, Postu Laclubar no suku Orlalan, loron-loron Bela halo serbisu makaas, hodi produs meza, kadera no armari hosi rotan.Maske Bela sente koleng no hasoru difikuldade, maibe Bela kontinua hatudu nia komitmentu hodi bele produs rotan sai kadera, meza no armari, hodi nune bele tulun inan aman no hare alin sira nia eskola.

“Hau kontenti tebes halo servisu sira hanesan ne’e, tanba ha’u bele hetan osan maske oituan ka barak, ida ne’e mak ha’u nia servisu loron-loron. Se la halo se mak atu ajuda ita, bainhira ha’u halo kreatividade hirak ne’e, hau la tuir kursu ruma, maibé tanba ha’u nia apa mós halo rotan sai meza no kadeira, entaun ha’u mós hare tuir hodi halo”, hateten Bela Correia, iha Becora, Kulau, 09/08

Bela konfesa katak rotan sira ne’e sosa tutan hosi ema seluk no maluk sira balun mós ajuda hodi hit tuir dalan ou tama sai bairo hodi faan,  sorte di’ak loron ida bele hetan $100 ou bele menus hosi ne’e.

Bela loron ida bele produs meja, kadera no ortoriu bele to’o haat ka lima. Bela hahú nia serbisu ne’e iha tinan  2008 to’o ohin loron no Bela remata de’it nia estudu iha Ensinu Baziku.

“Ha’u Kontenti tebes halo buat sira ne’e para ajuda ha’u nia inan aman,  ha’u lakohi halo serbisu seluk, tanba ha’u hanoin katak ida ne’e mak di’ak liu ba ha’u, maske hasoru difikuldade saida de’it maibé presiza pasensia nafatin, atu hasoru moris ne’e”, tenik Bela Coreia

LEAVE A REPLY

Please enter your comment!
Please enter your name here