Reportajen Joni Bonat
Iha fulan Juñu tinan ne’e, sentru Saúde Vera Cruz (SSVK), Suku Kaikoli, Postu Administrativu Vera Cruz, Munisipiu Dili, rejista moras infesaun sistema Respiratóriu (ISPA) hamutuk 1423 no tuir tan maka moras kulit 245.
Xefe Sentru Saúde Vera Cruz, Marilia F. d. e Piedade hateten, iha Juñu tinan ne’e, Sentru Saúde Vera Cruz ne’e, iha moras Infesaun Sistema Respiratoriu (ISPA) sae makaas liu, tanba kauza hosi klimátika, tempu udan, bailoron depois ambiente ne’ebé maka foer.
“Moras Infesaun Sistema Respiratoriu (ISPA) sa’e maka’as iha fulan Juñu ho nia total hamutuk 1423 no moras hirak ne’e afeita ba ema boot no ki’ik,” Dehan Xefe Sentru Saúde Vera Cruz Maria F. da C. Piedade ba Neon Metin iha nia kna’ar fatin Vera Cruz, Kuarta 12/07.
Nia haktuir, moras ne’ebé maka sentru Saúde Vera Cruz rejistu iha fulan Juñu maka hanesan, ISPA 1423, Moras kulit 245, Diarea 237, Pnemonia 58, Disentri 7, Denge 4, STI 19, Scabies 22, Acidente Trafic 16, Acidente Seluk 51, Konjutivitis 24.
Enkuantu Kona-ba Ai-moruk atu kura ba moras sira ne’e, Sentru Saúde vera Cruz sei sufisiente hodi bele responde ba moras ne’ebé maka iha.
