Home Notisia Survey Husi APFTL: Joven Sira Prefere Governu Foun Prioritiza Setór Edukasaun

Survey Husi APFTL: Joven Sira Prefere Governu Foun Prioritiza Setór Edukasaun

1551
0
rezultadu survey husi APFTL. [Foto: Doc. APFTL | 18.04.2023]

Reportajen Filomena da Conceição

Relatóriu survey husi  Alumni Parlamentu Foinsa’e Timor-Leste (APFTL), konaba partisipasaun iha politika, liu-liu iha eleisaun Parlamentár tinan ida ne’e, hatudu katak joven sira hili liu Partidu CNRT  ho 37,9%  FRETILIN 28,5%, PD 18,3 %, KHUNTHO  5,7 % no restante 7,6%.

Iha rezultadu survey ne’e hatudu katak joven sira nia preferénsia ba asuntu sira ne’ebé presiza Governu prioritiza, liu-liu ba governasaun mak setór edukasaun ho 26,96%, tuir fali  Infraestrutura 24,24%, sade 18,81%,  ekonomia 8,15%, kampu de traballu ba joven sira 7,21%, agrikultura 5,12%, sosial 3,13% no seluk 6,37%.

Objetivu husi survey ne’ebe implementa, Tanba APFTL konsidera katak, partisipasaun foinsa’e nian iha polítika ne’e importante tebes ba iha sosiedade demokrátiku ida nia vitalidade, hodi kontinua no assegura valór demokrasia iha estadu ida nian.

Envolve foinsa’e sira iha polítika bele lori perspetiva foun, ideia no enerjia ba prosesu polítiku, no mos assegura katak foinsa’e sira nia nessesidade, interesse no preokupasaun hetan konsiderasaun hosi decision-makers. Bele observa katak, jovens Timor-oan barak mak ativa iha organizasaun polítika sira ne’ebé existe iha Timor-Leste.

Foinsa’e sira hosi jerasaun milenial no mos post-milenial ka digital, iha karakterístika ne’ebé diferensa ho jerasaun sira anterior, tanba sira moris no dezenvolve-an iha era teknolojia dijitál, ne’ebé fasil tebes ba sira hodi asesu ba informasaun. Jerasaun ne’e konsiderada mos iha hanoin nakloke liu no krítiku wainhira hetan informasaun ruma no krítiku iha foti desizaun, tanba ne’e Foin-sa’e milenial no digital sira mós dala barak hare’e hanesan grupu ida-ne’ebé susar atu bele hetan influensia husi organizasaun polítika ka organizasaun sira seluk globalmente.

Presidente APFTL, Zaulino Gomes da Silva hateten APFTL iha tinan ida ne’e, deside liuhusi asembleia reuniaun jerál 2023 hodi halo atividade survey kona-ba joven sira-nia partisipasaun iha vida polítika, ho nune rezultadu survey foku liu ba grupu sira ne’ebé ho idade 17-35 signifika la’ós ba ema hotu-hotu.

Nia dehan APFTL  deside halo survey ho intensaun atu buka hatene saida mak halo joven sira-nia partisipasaun iha vida polítika. Aleinde ne’e APFTL mós halo sondajen ba sira-nia preferénsia, atu hili partidu polítiku iha eleisaun ida agora. Survey ne’e inisiativa husi APFTL rasik no la hetan apoiu husi instituisaun Estadu, tantu ajénsia nasionál no internasionál ka husi partidu polítiku sira, tanba atu garante rezultadu ne’ebé ho objetividade katak la hetan apoiu husi ema.

“Ami garante katak rezultadu ida ne’e bele hamosu insatisfasaun ba partidu polítiku sira maibé nu’udar organizasaun juventude brani públika tanba ida ne’e mai husi joven sira-nia hanoin no interese rasik. Ami halo ida ne’e tanba partisipasaun joven sira-nia  iha polítika ne’e importante liu-liu ba ita nia Estadu, entaun preokupasaun no interese joven sira mak tenke konsiderasaun husi ema makaer ukun sira. Entaun lider sira presiza rona joven sira-nia hanoin no no sira-nia prioritiza atu nune’e bele hatene sira nian prioridade ba Governasaun tuir mai saida maka atu halo” Dehan Zaulino  ba Jornalista sira iha Sede  APFTL Becora, 18/04.

Print Friendly, PDF & Email

LEAVE A REPLY

Please enter your comment!
Please enter your name here