Reportajen Silvino Freitas
Komandu Polisia Nasional Timor Leste (PNTL) munisipiu Likisa rejista ona kazu omesidiu agravadu no ofensas integridade fizika grave neebe komete husi suspeitu inisial VAC rezulta xefi aldeia metir Miguel Correia dos Santos lakon vida no Augusta de Deus kanek todan ba investigasaun ofisial sei aprezenta suspeitu ba Ministeriu Publiku (MP).
Portavos PNTL Suprentidente Joao Belo dos Reis dehan, kazu omesidiu agravadu no ofensas integridade fizika grave maka rezulta xefi aldeia metir Miguel Correia dos Santos idade 50 mate fatin no suspeitu nia feen Augusta de Deus mos hetan kanek todan no dadaun nee simu tratamentu intensivu iha ospital nasional Guido Valadares.
“tuir dadus inisial motivu provavel suspeitu deskonfia ninia feen iha relasaun domin ho xefe aldeia nia alin mane” dehan Portavos PNTL Suprentidente Joao Belo dos Reis liuhusi konferensia imprensa iha komando jeral PNTL, (01/12).
Nia dehan tan, hafoin simu informasaun husi komunidade polisia eskuadra postu Bazartete hamutuk ho komando polisia Likisa hodi halo atuasaun liuhusi asegura evidensia no informasaun nesesariu sira neebe iha indisius ba krime, nunee mos lori polisia halo transporta vitima feto Augusta mai Dili hodi hetan tratamentu intensivu no transporta mos mate isin mai Dili hodi halo prosesu autopsia tuir prosedimentu lei nian nunee mos halo koordenasaun ho autoridade local no komunidade hodi halo prosesu identifikasaun no verifikasaun klaru ba kazu refere.
“husi seksaun investigasaun criminal halo kedas atuasaun emediatu hodi inisia prosesu investigasaun criminal, maluk sira akompana depois akontesimentu suspeitu ho inisial VAC halai husi fatin akontesimentu no orseik domingo 30 novembru 2025 oras tuku 1 liu minutu 30 operasaun konjuntu husi komandu munisipiu neebe hamutuk ho komunidade kaptura suspeitu iha baliza entre suku fahilebo no suku fatumasi iha ailaran fuik” nia haktuir.
Portavos PNTL Suprentidente Joao Belo dos Reis dehan tan, dadaun PNTL submete ona suspeitu ba investigasaun criminal seksaun investigasaun criminal Likisa regista ona kazu nee ho NUC 0104/25-LIBZT, nunee dadaun suspeitu iha hela komandu munisipiu Likisa no sei loraik nee sei aprezenta ba ministeriu publiku, nunee suspeitu nia ferikoan mos ho kondisaun gravida nunee informasaun neebe PNTL rekolla hafoin opersaun labarik iha inan nia isin mate
