Home Notisia Governu Amerika Apoiu Governu TL ho Osan Tokon $93 Ba Programa Tinan...

Governu Amerika Apoiu Governu TL ho Osan Tokon $93 Ba Programa Tinan 5

391
0
Embaixador EUA, Kevin Blackstone. [Foto: David da Costa | 07.04.2021]

Reportazen David da Costa Gusmao*

Governu Estadu Unidus Amerika (EUA)  liu husi nia Embaixador iha Timor Leste, apoiu orsamentu hamutuk tokon $93 ba governu Timor-Leste no apoiu mos dezastre naturais ne’ebe akontese iha loron 4 Abril liu ba iha Timor-Leste ho osan $100 mill.

Embaixador EUA, Kevin Blackstone hateten governu Amerika sei apoiu osan hamutuk tokon $93 ba governu Timor-Leste, hodi apoiu programa tinan lima nia, ne’ebe mak EUA  anunsiu ona no apoiu mos  ba dezastre naturais iha Timor-Leste ho orsamentu hamutuk  $100 mill

“EUA anunsiu ona apoiu programa ba tinan lima nian, ne’ebe sei fó ba Timor-Leste, tanba Jim Diretur misaun USAID iha Timor-Leste sei koalia ho ministeru relevante  sira, atu identifika tipu apoiu ne’ebe mak fó ho montante projetu multi anuál, ne’ebe fó ba Timor-Leste, total orsamentu  tokon $93 no mos orsamentu ba asistenaia ajuda ba dezastre naturais hamutuk $100 mill”, dehan Embaixador bainhira remata enkontru ho Prezidente Parlamentu Nasionál iha uma fukun, 7/04.

Nia haktuir apoiu hirak ne’e fo ba Timor, tanba haree ba iha kontribuosaum valor Demokrasia, respeitu direitu umanu, ne’ebe durante ne’e EUA ho estadu Timor fo ba malu.

Nia informa tan osan ne’ebe apoiu ne’e, sei la fo direitamente ba iha vitima dezastre naturais sira, maibe sei fo ba iha servisu Protesaun Sivil sira, no sira mak sei responde ba iha dezastre sira ne’e.

“Hau sei anunsia nia detaillu iha tempu badak mai, ami mos sei serbisu hamutuk ho protesaun sivil sira no parte relevante tomak”, nia subliña

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here