Reportajen Filomena da Conceição
Primeiru Minístru (PM) Kay Rala Xanana Gusmão, hateten, governu hatene dadaun ne’e Timor-Oan sira enfrenta hela problema ba kaderneta Pasaporte, tanba prosesu atu produz ba kaderneta Pasaporte la’os buat ida fasil, tanba ne’e presiza hein.
“Pasaporte la’ós buat fasil ida, Se fasil ida ita cetak deit iha silvia de’it, maibé demora ne’e la’ós tanba buat ida hodi ita tau iha ida-idak nia fatin,”dehan Primeiru Minístru Kay Rala Xanana Gusmão ba Jornalista sira bainhira remata inkontru reguler ho Presidente da Repúblika José Ramos Horta, iha palásiu Prezidensiál Bairo-Pite, kinta 28/09.
Nia haktuir, Minístru ba tiha ona Finlandia, tanba ne’e tenke hein, sé buat ne’e mak cetak de’it ka halo falsu no labele sosa ida, bele halo ona, maibé labele ne’e maka Minístru ne’e ba tiha ona Finlandia no kompania ida Singapura ninian mak sei lori, tanba ne’e fim do Setembro no outubro sei la’o ona.
“Governu hatene duni passaporte problema ne’ebé importante maibé ne’e laos buat fasil, karik ida ne’ebé fasil duni ne’e lalais tiha ona. Uluk mós ha’u rona tinan kotuk liu ba Indonésia sira balun mós simu passaporte Timor, Xina balun simu passaporte Timor, ne’e mai husi ne’ebé mós ita la hatene, tanba ne’e ita tenke Kuidadu ba buat ida ne’e, tanba ne’ e laos dehan katak ami la servisu mais buat ne’e mak tenke tuir dalan ida hodi fó seguransa loloos ba ema”Nia esplika.
Tanba ne’e, ohin mós hasoru ho Presidente Republika hodi ko’alia kona-ba prazu,Tanba tinan rua de’it mais Timoroan sira servisu iha Austrália no Koreia Irlandia to’o tinan rua sira tenke fila fali mai ne’ebé sei hare’e took, se bele atu estende ninia prazu ne’e para lalika ba mai tanba passaporte hotu ona nune’e governu sei diskute.
