Home Notisia FONGTIL Husu KAK Kaptura Autor Ne’ebe Involve Iha Prosesu Aluga Ro Transip...

FONGTIL Husu KAK Kaptura Autor Ne’ebe Involve Iha Prosesu Aluga Ro Transip II no Haksolok

623
0
Diretor FONGTIL, Daniel dos Santos. [Foto: Joselina | 15.06.2021]

Reportajen Joselina dos Santos

Forum Organizasaun Naun-Governamentál Timor-Leste (FONGTIL) husu Komisaun Anti-Korrupsaun (KAK), halo kapturasaun ba autór sira ne’ebé mak involve-an iha prosesu ró-Haksolok, hodi halo investigasaun  tanba lori Primeiru Ministru Taur Matan Ruak hodi sa’e ró  ne’ebé ho kondisaun la seguru.

Liu husi konferénsia imprensa,  Diretór Forum Organizasaun Naun-Governamentál Timor-Leste (FONGTIL), Daniel dos Santos hateten relasiona ho aluga ró Transip II,  FONGTIL asesu kona-ba  gastu mina ne’e kada viajen hetan  31 mill litru, signifika $31.000 ou bele liu, tanba rendimentu husi kada viajen ba Atauru ka Oe-cusse hetan rendimentu  $5.000 to’o $6.000.

“Depois prosesu aluga ró ne’e, kada fulan $220.000 mill, entaun kompara  ho rendimentu ne’ebé ita hasai ba aluga mina ne’e la balansu, tanba ne’e mak ami konsidera katak ida ne’e prejuizu ba estadu, no estadu lakon  ida ne’e kategoria krime,” dehan Diretór  Daniel dos Santos ba jornalista sira iha Salaun Konferénsia FONGTIL Kaikoli, 14/06.

Diretór informa, Kondisaun Roo ne’e la seguru hodi halo viajen, tanba públiku akompaña katak viajen husi Dili ba Atauru ne’e han horas 4,  kompara ho ró Susesu, Berlin, Nakroma, tanba Roo Susesu no Berlin Nakroma  hala’o  Viajen horas ida ho balun de’it.

“Ami lamenta tanba  PM Taur Matan Ruak utiliza Roo ne’e atu ba serbisu ho perigu no ba seguransa sira, tanba ami kestiona Serbisu protokolu Primeiru Ministru nian. Tanba ne’e husu ba PNTL halo investigasaun ba ema sira ne’ebé protokolu ba Primeiru Ministru nian no lori Primeiru Ministru ba sa’e ró ne’ebé  ho kondisaun la seguru. Ami mós identifika katak ro ne’e nia kondisaun aat tanba kesi ho tali-rafia depois Oli turu entaun  ró  ne’e La merese halo operasaun iha ita nia rai,” dehan Diretór FONTIL

FONGTIL husu KAK halo kapturasaun ba Ministru Transporte Komunikasaun (MTK), ho nia diretór sira tanba konsidera hanesan fralante dileitu tuir kódigu prosesu Penal artigu 219, tanba FONGTIL konsidera katak MTK utiliza hodi habokur-an iha situasaun ne’ebé difisil povu sofre makaas  husi impaktu COVID-19.

FONGTIL mós rekomenda KAK atu aselera prosesu investigasaun ba prosesu konstrusaun ró Haksolok tanba ita gasta ona osan $24-26 milloens maibé ró Haksolok la mai,  tanba ne’e aselera investigasaun la bele fó toleránsia.

“Se governu ne’ebé lidera husi Taur Matan Ruak iha kometimentu atu promove Boa-Governasaun hodi  kombate korrupsaun, labele tolera no loke investigasaun sériu atu halo identifikasaun ba autór sira ne’ebé mak involve-an iha prosesu konstrusaun ró haksolok,” dehan Daniel

Relasiona ba kazu ne’e, jornalista sira tenta hasoru Ministru Dos Transporte no Komunikasaun (MTC) iha iha ninia edifísiu Merkadu Lama maibé lakohi fo komentáriu.

Print Friendly, PDF & Email

LEAVE A REPLY

Please enter your comment!
Please enter your name here