Home Notisia FONGTIL Rejeita Total Esbosu Lei Kriminaliza Defemasaun no Luta To’o Hetan Solusan

FONGTIL Rejeita Total Esbosu Lei Kriminaliza Defemasaun no Luta To’o Hetan Solusan

952
0
Diretor FONGTIL, Daniel Santos do Carmo. [Foto: Santina Lucia da Costa | 04.08.2020]

Reportazen Santina Lucia da Costa

Front Mahasiswa Timor-Leste (FMTL) hamutuk ho Asosiasaun Jornalista Timor-Lorosa’e (AJTL) ho Organizasaun Sosiedade Sivil sira iha Timor-Leste, realiza asaun pasifiku, hodi kontra esbosu Lei Kriminaliza Difamasaun, tanba bele hamate liberdade imprensa no espresaun.

Iha asaun pasifiku ne’ebe halao iha kampu UNTL Liceo, Diretor FONGTIL, Daniel Santos do Carmo ih nia palestra hateten organizasaun sosiadade sivil iha Timor-Leste laran tomak, branu foti desizaun ida ne’e, tanba FONGTIL nia pozisaun klaru katak rejeita total kriminaliza defamasaun.

Nia hateten FONGTIL hatoo ona parser ba Parlamentu Nasional, Ministeriu Justisa no lider maximu sira iha rai laran, konaba FONGTIL nia pozisaun hodi rejeita Kriminaliza defamasaun.

“Hau atu koalia esperiensia ida, iha Portugal, sira kriminaliza difamasaun maibe kuandu tinan haat sira halo universal priodika iha liur ba konsellu auto-nivel direitus humanus sira, hetan rekomendasaun husi konsellu auto-nivel direitus humanus katak, hasai kriminaliza difamasaun, ne’e konsellu auto-nivel direitus humanus nia pozisaun”, afirma, Diretor Ezekutivu FONGTIL, Daniel Santos do Carmos, iha Liceu, loron, 3/08.

Daniel Santos hateten Lei ida ne’e mosu demonstra inkapasidade governu nian, atu fo resposta ba problema sosial ne’ebe ita nia povu infrenta. Hakarak halo Lei kriminaliza difamasaun para salva sira nia-an, povu labele kritika, sosiedade labele kritika, media sira labele kritika no sira halo buat tuir sira nia gostu.

“Ita nia rai, iha Lei ida ne’ebe importante los Ministru Justisa la halo, ne’e atu hatete de’it katak, Ministru Justisa inkapasidade. Ezemplu Lei Rezime Espesial Titularidade soin-movel, Lei ida ne’ebe importante atu proteje, atu salva guarda fo nia direitu ba propriedade, liuliu rai no buat sira seluk”, dehan Daniel.

FONGTIL nia pozisaun kontinua apoiu asaun ida ne’e no labele para, sebainhira Ministru Justisa la hapara esbosu Lei ida ne’e, “se esforsu hotu-hotu ita halo maka to’o ikus sira ulun toos, atu avansa lei kriminalizasaun defamasaun, maka ita hanoin to’o senariu ida aat liu” hateten Daniel Santos.

Asaun pasifiku ne’e partisipa hosi estudante Universitariu sira iha Timor-Leste, membru Asosiasaun Jornalista Timor Lorosa’e, ativista direitu humanus no sosiadade sivil sira. Asaun refere hetan seguransa maximu hosi Polisia Nasional Timor-Leste (PNTL) no asaun refere lao hakmatek to’o rohan

Print Friendly, PDF & Email

LEAVE A REPLY

Please enter your comment!
Please enter your name here