Reportazen Francisco JDA
Centru Integradu Jestaun Krize (CIJK) hala’o konferensia imprensa relasiona pandemia Covid-19 ba loron 22 Junhu nian. Portavoz CIJK, Dra. Odete Viegas informa ba jornalista sira, atu husu populasaun kontinua kumpri regra Covid-19 nian.
Dra. Odete hateten dadaun ema ne’ebé submete ba kuarentena hamutuk nain 83, hosi numeru refere, iha Dili totsl nain 53 no Munisípiu iha nain 30. Konaba kazu ema tama illegal liu hosi frontiera to’o ohin loron hamutuk 75, liu hosi Oe-cusse nain 29, mai Dili nain 30 no ba Suai iha nain 16.
CIJK inform aba komunidade sira, sekarik suspeitu ruma ka ema balun tama illegal, atu bele informa kedas ou relata kedas ba autoridade kompenente, nune bele evita transmisaun lokal iha komunidade sira.
“Estadu Emergencia datoluk atu remata ona, maibé servisu ba Covid-19 sei kontinua too globalmemte deklara katak Covid ne’e la iha ona. Serbisu saúde sei hala’o nafatin iha territóriu laran tomak no hospitais referais sira no haforsa liu tan serbisu vizilansia iha fronteiras”, hateten Porta Voz CIJK Dra Odete Viegas iha CCD, 22/06
Dra.Odete hatutan, presiza haforsa visilansia mak Ministeriu Saúde serbisu hamutuk ho seguransa no autoridade lokal sira, nune’e bele prevene ema ne’ebé mak tama ilegal.
Iha parte eskola sira mos komesa reativa ona tuir autorizasaun hosi Ministeriu Edukasaun, Juventude no Desportu, bainhira priensia ona kriteriu protokolu Covid-19.
