Reportazen Francisco JDA
Kazu Violensia domestika ne’ebé kontinua aas iha,Timor -Leste, ne’ebe fo implikasaun barak liu ba feto maluk sira nia atividade, tanba ne’e Rede Feto apela ba públiku katak sé violasaun hasoru direitu humanu, Lei regula no baku ema ne’e nia kuensekuensia mak ba iha Tribunal
Presidente Rede Feto, Judite Dias Ximenes haktuir katak, durante estadu emergencia ema hotu sulan an iha uma, ne’e estadu iha dever atu sustenta familia, nune’e bele minimiza violensia domestika.
“Fator importante ida ne’ebé influénsia violensia domestika mak ekonómika. Violensia ne’e akontese mós ba ema riku sira, ema sira ne’ebe iha pozisaun, maibé barak liu ba ema vuneravel, maibé iha kultura mós toman baku malu, nune’e durante estadu seidauk subsidia, Rede Feto fo dadauk ona ba Material nesesidade baziku sira, tanba simu keixa barak”, hateten Judite Dias Ximenes iha Salaun FONGTIL, 09/06
Presidente Rede Feto ne’e mos hateten durante estadu emergencia keixa ba Violensia domestika hamutuk 254. Iha fulan kotuk feto barak tauk atu relata nia kondisaun iha polísia, tanba la iha maskra no sira tauk atu la’o iha dalan
“Iha situasaun emergencia katak hotu-hotu hakmatek iha uma, maibé nesesidade baziku ne’ebé presiza hola labarik nian sasán, normalmemte ida ne’ebé mak ba hola sasán ne’e feto. Feto sai hosi uma ne’e, iha buat ruma ne’ebé nia atu halo la’ós ba ransu, inseguransa ne’e iha tanba hahalok nakar sira iha dalan kontinua iha”, dehan Presidente Rede Feto .
Maske nune’e durante estadu emergencia, Rede Fetoo mós fo apoio nesesidade bázika ba komunidade sira ne’ebe presiza tebes tulun.
