Home Notisia Vasina COVID-19, Governu Fo Prioridade Ba Dili, Bobonaru, Covalima no Oe-cusse

Vasina COVID-19, Governu Fo Prioridade Ba Dili, Bobonaru, Covalima no Oe-cusse

246
0
Vasina COVID-19. [Foto: Copyright Kompas | 12.01.2021]

Reportajen Santina Lucia da Costa

Primeiru Ministru Taur Matan Ruak enkontru semanál ho Prezidente Repúblika Dr. Francisco Guterres Lu-Olo, hodi ko’alia kona-ba evoluasaun situasaun COVID-19 iha ita nia rain no mós prosesu vasinasaun ne’ebé agora la’o iha rai laran.

Hafoin enkontru ba jornalista sira, Primeiru Ministru Taur Matan Ruak hateten governu preokupa tanba evolusaun variante foun Delta iha Indonézia liu-liu Kupang no Atambua.

Xefe Governu hatutan evolusaun variante Delta, alende Australia mós iha tanba ne’e mak Prezidente Repúblika husu governu kontinua fó atensaun nafatin ba ita nia sidadaun sira, atu prevenidu tuir regra sanitáriu ne’ebé Organizasaun Saúde Mundiál (OMS) no Ministériu Saúde (MS) fó atu kontinua hases-an husi moras ne’e.

 “Ita nia vasina la’o di’ak kuaze to’o agora ita simu vasina hamutuk  rihun atus haat neen-nulu resin resin (460.00) resin, ita uza tiha ona rihun atus tolu-resin (300.00), espera katak iha tempu badak ne’e bele uza hotu”, relata Taur Matan Ruak iha Palasiu Prezidensial, Nicolau Lobato, Bairu-Pite, 22/7.

Taur akresenta governu prevee simu tan, atu kontinua fó vasina nafatin ba sidadaun sira, Ministériu Saúde ho Komisaun Interministeriál, haree fó prióridade liu-liu ba Dili, Bobonaru, Covalima no mós Oe-cusse liu-liu sira ne’ebé iha fronteira, atu proteje uluk sira antes proteje komunidade sira seluk.

Nia dehan Prezidente Repúblika husu tau matan ba iha fronteira no daudaun ne’e taka fronteira, sasan de’it mak mai no ema labele tama.

“Xefe Estadu husu atu ita hotu-hotu la’o ho maskra, medida sanitárias kumpri nafatin, hau haree motorizada balun komesa la tau ona maskra. Hau espera katak hotu-hotu bele konsidera kuidadu-an atu labele hetan moras no labele da’et fali ba familia sira”, Taur apela

Print Friendly, PDF & Email

LEAVE A REPLY

Please enter your comment!
Please enter your name here