Reportajen Santina Lucia da Costa
Relasiona ho sidadaun balun ne’ebé falsifika kartaun vasina COVID-19 nian, Primeiru Ministru Taur Matan Ruak hateten sidadaun balun ne’ebé falsifika kartaun vasina COVID-19, atu sai hosi Dili ba munisipiu polisia komesa kaer ona tuir prosesu investigasaun.
“Polísia komesa kaer ona balun, hau la hatene ne’e informasaun ida ne’ebé foun, bainhira ko’alia kona-ba professional saúde sira maibé hau rejistu preokupasaun sira ne’e, hau hatene katak iha sidadaun balun iha falsifika no polísia komesa kaer no investiga,” hateten Taur Matan Ruak.
Xefe Governu ne’e apela ba sidadaun sira atu labele monu informasaun falsu sira, ne’ebe lohi ema fasil los.
