Home Feature Film AMANDA Inspira Ema Atu Hapara Violensia Domestika Hasoru Feto Iha TL

Film A[R]MANDA Inspira Ema Atu Hapara Violensia Domestika Hasoru Feto Iha TL

4805
0
Eufrasia M.Vieira ho nia kaben Carlos no oan mane Noah. [Foto: Doc. Privadu | 21.07.2021

Reportajen Santina Lucia da Costa

Lansamentu Filme ho títulu A[R]MANDA ne’ebé  prodúz husi Timor-oan, husi filme ne’e, realidade  feto Timor-Leste sira ne’ebé iha sofrementu nia laran tanba barlake nia hahalok, hamosu violénsia doméstika, no liu husi filme ne’e atu inspira ema hotu atu labele hamosu violénsia doméstika hasoru feto.

Tuir eskritóra no autóra filme A[R]MANDA, Eufrasia Monteiro Vieira katak film ne’e ho ninia topiku A[R]MANDA ne’ebé tópiku prinsipál foti husi kultura no tradisaun fetosan-umane,  violénsia doméstika hasoru feto no reflesaun kona-ba fé ka fiar ema ida nia ba maromak.

Eufrasia hatutan filme ne’e nia istoria halai liu ba feto kona-ba barlake, belis hosi tradisaun, kultura ne’ebé ita nia bei’ala sira halo hanesan simbolu familia rua atu tur hamutuk  sai familia ida. Maibé husi barlake,Belis ne’e sai hanesan feto nia folin, entaun iha parte seluk ita la sente katak, barlake ne’e bele afeita ba nia hanoin negativu ba feto katak feto ne’e mane nian ona tanba mane hola kotu ona, entaun mane hanoin halo konforme tuir nia hakarak.

Eufrasia Monteiro Vieira ho naran konnesidu Quiqa dehan ohin jeralmente lansamentu filme A[R]MANDA ne’ebé produz  iha tinan 2018, ida ne’e rezultadu ne’ebé husi fiar prejensia korajen fiar sakrifisiu no domin barak, ne’ebé sai realidade ho neon fiar, konfiansa husi ema barak ne’ebé ohin halibur iha fatin ida ne’e.

“Ami sente orgullu tebes tanba bele halo rasik ho ami nia kapasidade no ami nia rekursu, ami labele halo mesak projetu ne’e, maibé presija apoiu maka’as husi kotuk hanesan, Sr. Manuel Vong, Rui Menezes, Ministeriu Turizmu, sira komprende ami nia hakarak no fiar ami ho apoiu instituisional no lojistiku ne’ebé ezensial, sein apoiu, filme A[R]MANDA labele realiza.”hateten Quiqa iha salaun Katedral, 21/7.

Quiqa akresenta hakarak uza filme ne’e atu promove iha forma oioin, Timor nia kultura atu hatudu oinsa moris lorloron nian, uma, hatais ita nia tais ho asesores antigu familia nia tradisaun, se ita nia kultura mak halo ita uniku no morin iha mundu, entaun ita tenki proteje no lori ba lealdade agora no ba futuru.

Liuhusi filme ne’e nia hateten, bele mantein nafatin ho kultura ne’ebé bei’ala sira husik hela, maibé tenke uza ho di’ak, katak feto ho mane moris hamutuk atu kompleta malu laos konsidera hanesan sasan ne’ebé sosa kotu hodi uza tuir nia hakarak no hamosu violensia domestika hasoru feto.

“Hau hakarak hato’o ba hau nia feto maluk hotu iha Timor katak, filme ne’e hanesan ita ne’ebé sofre ho realidade ida ne’e, liuliu ba feto sira ne’ebé iha sofrimentu nia laran tanba barlake nia hahalok. No hau nia maun alin sira katak, espera katak filme ne’e bele inspira imi, mai hola parte atu ajuda rezolve problema ne’ebé agora iha futuru ita bele halo di’ak liu tan,” rekomenda Eufrasia

Nia dehan rezultadu hosi fiar, persistência, korajem, sakrifísio no domin ba arte, ne’ebe bele sae realidade, tanba ho neon diak no konfiansa hosi ema barak, ohin halibur hamutuk iha nee.

“Rezultadu ida nee maka filme badak fiction ne’ebe produz totalmente iha Timor-Leste, hosi timoroan, ho timoroan no ba timoroan atu halibur no apresia. Ami ho crew sente orgullu tebes, tamba bele prova ona katak ami bele halo rasik, ho ami nia kapasidade no ami nia rekursu”, dehan Quiqa

Eufrasia Monteiro Vieira. [Foto: Doc. Privadu | 22.07.2021]

Nudar autór ba filme ne’e Quiqa hatoo agradesimentu ba Gill da Costa iha momentu ne’eba nudar Prezidente RTTL, ne’ebe envolve ekipa RTTL iha produsaun filme ne’e, ho kapasidade no rekursu ne’ebe iha, hodi realiza filme ne’e.

Liu hosi lansamentu ne’e Quiqa mos hato’o nia agradesimentu ba Dodi Les D. Soeriapoetra nu’udar Diretór no editor principal ba A[R]MANDA.

“Hau konsidera ninia dedikasaun total ba projetu ida ne’e, ninia persistensia, korajen, pasiénsia no hakarak fahe matenek ho crew sira. Ninia domin ba cinema no esperiénsia klásiku, bele sai sasin iha filme ne’e”, dehan Quiqa

Filme refere halao iha Dili, Liquisa, Manatuto, Vemase no Camea, lori ema 100 resin maske hasoru obstaklu no dezafius oin-oin. Total orsamentu ba projetu ne’e mais menus $35 mil, hosi total orsamentu nee $6000 mai hosi sponsor no restu mai hosi osan rasik, Eufrasia ho naran estimada Quiqa relata iha loron espesiál ba lansamentu filme A[R]MANDA.

Lansamentu Filme A[R]MANDA ne’e, partisipa husi Ministru Turizmu, Eis-Ministru Turizmu, Embaixadór Indonesia, no seluk tan.

Print Friendly, PDF & Email

LEAVE A REPLY

Please enter your comment!
Please enter your name here