Home Notisia Wang Yi: Hau Vizita TL Promove Kooperasaun Bilateral, Ajuda Aselera Dezenvolvimentu

Wang Yi: Hau Vizita TL Promove Kooperasaun Bilateral, Ajuda Aselera Dezenvolvimentu

506
0
Konselleiru Estadu no Ministru Negósiu Estranjeiru (MNE) husi Republika Popular Xina, Wang Yi ho PR, Dr. Ramos Horta. [Foto: Media PR | 04.06.2022]

Reportajen Santina Lucia da Costa

Konselleiru Estadu no Ministru Negósiu Estranjeiru (MNE) husi Republika Popular Xina, Wang Yi enkontru ho Prezidente Republika, Dr. José Ramos Horta koalia liu kona-ba Relasaun Biltareias ne’ebé tinan 20 relasaun bilateral apoiu husi Xina, hanesan Infranstruturas, Edukasaun, Saude no Ekonomia.

Hafoin enkontru, Prezidente Republika, Dr. José Ramos Horta, hateten, enkontru ho Ministru Negosiu Estranjeiru (MNE) Republika Popular Xina, Wang Yi koalia liu kona-ba Relasaun bilateral entre nasaun rua ne’e nian. Relasaun bilaterais ne’ebe tinan 20 ona. Nu’udar Prezidente Republika Timor-Leste, agradese lori povu Timor-Leste nia naran apoiu ne’ebé Xina fó ba ita iha tinan 20 nia laran.

“Hau agradese ba Xina ne’ebé tinan 20 relasaun bilaterais ne’ebé apoiu husi Xina, hanesan Infranstruturas, edukasaun, saude, no mós joven sira estuda iha xina.” Dehan, Prezidente Republika, Dr. José Ramos Horta ba Jornalista sira iha Palasiu Prezidensial, Nicolau Lobato, Bairu-Pite, Dili, 4/6.

Ramos Horta, hatutan, iha enkontru ne’e mós kolia konsekuensia husi Pandemia Covid-19 no funu Ukrania ho Russia ne’ebé kauza agrava situasaun ekonomika mundial, Komunidade Internasional haree kestaun ida ne’e, re-estrutura devidas ba terseiru nasaun iha mundu, uniku konsilida para rekoopera ekonomia.

Xefi Estadu, realsa tan katan, Xina nia apoiu ba Timor-Leste ne’e, apoiu bilateral no apoiu multilateral, tanba nu’dar membru konsellu seguransa, membru primeriu konsellu seguransa, uluk kuandu konsellu seguransa presija seguransa, Xina apoiu maka’as liuhusi sira nia partisipasaun direita  iha Timor rasik, iha tinan 2000 sira haruka elementus polisia mai iha Timor, ne’e primeira vez Xina Partisipa operasaun de paz ida.

Ramos Horta afirma, Iha tinan sira ne’e nia laran bolsus estudus lubuk ida ba Timoroan  ba estuda iha Xina, lubuk ida estuda medisina ne’e di’ak ba Timor-Leste, orgullu tanba Timoroan konsege tama iha eskola medisina iha Xina, estuda ho lingua Xina iha ne’eba, iha Univesridade balun regurozu teb-tebes atu tama la fasil, mezmu ema Xineza sira la fasil tama iha ne’eba.

Ramos Horta informa, Governu nia programa ohin asina akordu haat, iha area Agrikultura, Saude, apoiu administrasaun ba radiu no televisaun, no troka notas ba segunda faze ba DTMB-A demonstrasaun projetu. Saude ne’e  para aumenta mediku Xina iha Timor-Leste.

“Timor-Leste presija hakarak ne’e mai husi Governu nia programa, hau nu’udar Prezidente Republika, hau apoia de’it governu nia programa pedidu ba Xina, hau nu’udar Prezidente la halo pedidu, maibé tane Governu nia programa.” Hateten, Ramos Horta.

Maibé  Xefe Estadu  haree Timor-Leste ho Xina tenki haree aumenta liu tan kooperasaun liuliu agrikultura, Xina potensia mundial numeru 2 ekonomikamente, no potensia aziatiku Timor iha Azia, ne’e duni Timor-Leste tenki sai hanesan prioridade ida ba ajuda Xineza.

Iha fatin hanesan, Konselleiru Estadu no Ministru Negosiu Estranjeiru (MNE) Republika Popular Xina, Wing Yi, hateten, Intensaun mai vizita Timor-Leste atu komemora loron importante, tanba Aniversariu loron restaurasaun independensia Timor-Leste ba dala-20 no estabelesimentu Kooprasaun bilateral no diplomatika bilaterais.

“Hau nia intensaun mai vizita Timor-Leste para komemora loron importante tanba marka tinan 20 aniversariu Timor-Leste nia independensia, no mós estabelesimentu kooperasaun bilateral no diplomatika bilaterais.” Dehan, Konselleiru Estadu no MNE Republika Popular Xina, Wing Yi.

Wiang Yi Hatutan, Xina potensia mundial numeru 2 ekonomia, no membru konsellu permanentu ONU, primeira vez vizita Timor-Leste para rona Timor-Leste, atu promove kooperasaun bilateral para ajuda Timor-Leste atu aselera Dezenvolvimentu hodi nune’e lori povu bele moris ho di’ak.

Print Friendly, PDF & Email

LEAVE A REPLY

Please enter your comment!
Please enter your name here