Reportajen Francisco Colo
Liuhusi nia Enkarregadu Negósiu Embaixada Estadus Unidus Amérika ( EUA), Tom Daley hasoru malu ho Presidente Republika, Dr.Jose Ramos Horta iha palasiu presidensial, hodi haktuir atu sei iha asinatura akordu ba programa millennium Challenge Corporation (MCC) programa compactor ho governu Timor-Leste, foka liu iha área bee saneamentu no edukasaun.
“Laklur tan sei iha asinatura akordu Timor-Leste no EUA ba programa millennium Chalenge korporation (MCC) programa compact ho governu Timor-Leste, Programa ne’e sei foka liu ba iha area rua bee, saneamentu no edukasaun“, Dehan Enkaregadu Negósiu Embaixada estadus Unidos Amerika ( EUA) Tom Daley hafoin remata marka audensia ho Horta iha Palásiu Prezidensiál bairo-pite sexta (03/04/2022).
Embaixador ne’e hatutan Programa Compact ne’e EUA sei oferese orsamentu $420 miliaun ba Governu Timor-Leste.
“Aleinde Timor-Leste komemora tinan 20 restaurasaun independénsia, ami mos Komemora tinan 20 relasaun bilateral entre Timor-Leste no EUA, Kooperasaun durante ne’e bazeia ba pilar tolu, belun, parseiru, oportunidade“, salienta Tom Daley EUA.
Iha sorin seluk Diretora Misaun USAID, Zema Semunegus afirma USAID mos iha ne’e eziste kleur ona dezde 2001, fo ona apoiu ba programa apoiu Dezenvolvimentu Timor-Leste ho orsamentu hamutuk liu millaun atus tolu lima nulu.
“Ami foku liu ba programa rua iha Timor-Leste ida mak kona ba diversifikasaun ekonomia, ida mak governasaun, no iha programa governasaun nia okos ami mos apoia hametin sistema saúde“, dehan Diretora USAID Zema.
Diretora USAID ne’e akresenta ohin ko’alia kona ba igualdade jéneru nia, importante USAID ho doadór sira, no parseiru dezenvolvimentu sira mos apoiu ba ida ne’e, oinsa atu hadi’ak situasaun ekonomia feto sira nian, oinsa bele reziliente liu.
