Home Notisia TL Hetan Oferta Kampu Futeból Amizade no Sala de Aula Confucius Hosi...

TL Hetan Oferta Kampu Futeból Amizade no Sala de Aula Confucius Hosi Governu Xina

737
0
SEJD Abrão Saldanha Nokosiku ho Embaixadór mai Timor-Leste, Xiao Jianguo. [Foto: Adroaldo | 03.06.2022]

Reportajen Adroaldo “Saretukau”

Governu Timor-Leste liu hosi Sekretária Estadu Juventude no Desportu (SEJD), Abrão Saldanha Nokosiku ho Governu Xina liu hosi nia Embaixadór mai Timor-Leste, Xiao Jianguo loke plaka ba serimónia aprezentasaun kooperasaun rai rua nian, ne’ebé governu Xina apoiu konstrusaun kampu Futeból Amizade Timor-Leste – Xina no sala de Aula Confucius iha Institute of Business (IOB).

Serimónia aprezentasaun ne’e hala’o iha ámbitu vizita bilateral Konselleiru Estadu no Ministru Negósiu Estranjeiru (MNE) Xina, Wang Yi ho nia omólogu Ministra Negósiu Estranjeiru no Kooperasaun (MNEK) Timor-Leste, Adalgisa Magno, Sesta (03/06), iha Salaun Nobre MNEK, Praia dos Coqueiros, Díli.

Hafoin serimónia ne’e, ba Neon Metin, Sekretária Estadu Abrão hatete, aktividade ohin ne’e mak “loke plaka ida ba kooperasaun entre Xina ho Timor-Leste iha komemorasaun 20 anus ita nian ne’e, Xina apoiu ita ba reabilitasaun ba kampu Lecidere, sira apoiu ita reabilita tau fali du’ut sintétika ba kampu Lecidere,” dehan Sekretária Estadu Abrão ba Neon Metin.

Governante ne’e hatutan reabilitasaun ne’e sira oferese ba kampu futeból ida, ho kampu multi-uzu ida ho total osan $300 mil, ne’ebé konstroi rasik hosi kompañia Xina nian no ita hein simu kampu feitu de’it, Sekretária Estadu Abrão hakotu.

Marka prezensa iha sorumutu ne’e hodi asina akordu sira mak Ministru Asuntu Parlamentar no Komunikasaun Sosial (MAPKOMS), Francisco Jeronimo, Ministra Saúde (MS), Odete Belo, Ministru Kordenador Asuntu Ekonómiku (MKAE), Joaquim Amaral inklui Sekretária Estadu Juventude no Desportu (SEJD), Abrão Saldanha ne’ebé lansa plaka koperasaun Timor-Leste ho Xina, ba apoiu balu ne’ebé governu Xina oferese.

Iha parte sorin Ministru MKAE, Joaquim Amaral hatete vizita ida ne’e iha valor tebes tanba iha vizita ida hosi nasaun ida poderozu hanesan Xina ida ne’e hametin liu tan ita nia relasaun bilateral no atu hametin ita nia relasaun tékniku sira tanba ita mos iha interese ba ita nia polítika esterna atu ba ASEAN, Organizasaun Mundial Komérsiu, sai membru ba Direitus Umanus.

“Iha nivel multilateral, ita presiza apoiu hosi país sira ne’ebé iha influénsia boot iha direitu de votu iha nasoens unidas, ba Timor-Leste ajuda tebes ita nia polítika esterna, nune’e mos ajuda ita nia kooperasaun ekonómiku ho tékniku iha ita nian rasik,” dehan Ministru MKAE.

Print Friendly, PDF & Email

LEAVE A REPLY

Please enter your comment!
Please enter your name here