Home Notisia Estudante sira Iha Rural La Asesu Programa Eskola Hosi Uma Tanba...

Estudante sira Iha Rural La Asesu Programa Eskola Hosi Uma Tanba Menus Livru

676
0
Presidente RDDU Inocencio de Jesus. [Foto: Francisco JDA | 09.06.2020]

Reportazen Francisco JDA

Rede Defensor Direitus Umanus (RDDU) relata situasaun konaba kondisaun estudante sira iha eskola Primaria, Pre-Sekundaria no Sekundaria ne’ebe lahetan direitu ne’ebe dignu hodi aproveita prosesu aprendizajen ho diak, tanba menus livru, inklui manorin sira ne’ebe la asesu programa Ministeriu Edukasaun nian konaba eskola hosi uma.

Tuir Presidente RDDU Inocencio de Jesus ba Jornalista sira hateten, orsamemtu ne’ebé aloka ba Kada Ministeriu sira, ne’ebe la dun iha nesesariu, hodi utuliza ba servisu di’ak liu, aloka ba edukasaun atu hadia fasilidade eskola hanesan bee no Sistema ijieniku

“Iha situasaun ida ne’e ema barak nia oan lakohi ba eskola tanba tauk, tanba ita iha problema ba vasinasaun ne’ebé seidauk di’ak, atu kontra Covid-19 no ita mós la hatene Covid-19 ne’e iha ka lae, ida ne’e mak sai problema. Kondisaun eskola la di’ak, sala aula la too , haris fatin la di’ak, maske  Covid-19 ezije atu fase liman beibeik no distansiamentu sosial, maibé infrastrutura ne’e la permite no inan aman seidauk haruka nia oan sira ba eskola tanba tauk hela”,  deklara Inocencio de Jesus iha Salaun FONGTIL, 09/06

Presidente RDDU nee afirma, asuntu edukasaun ne’e interese nasionál, tenke hetan atensaun hosi kamada intelektual hotu, atu bele asegura kualidade edukasaun ba futuru rai ida ne’e nian.

Print Friendly, PDF & Email

LEAVE A REPLY

Please enter your comment!
Please enter your name here