Reportazen Francisco JDA
Ekipa serbisu – Covalima Vitória ho Domin-20 (EKSES-COVID-20) hala’o konferensia imprensa relasiona ho Municipiu Covalima no Bobonaro, bandu totalmente movimentu tama sai iha Munisípiu rua refere, tanba ne’e Covalima oan Ezje ba Ministeriu Saúde ( MS) atu imediatamente transfere lalais ema sira ne’ebé mak afetadu ona hosi moras COVID-19, atu bele prevene no asegura postu Fatumean tomak, tanba to’o agora infetadu COVID abandona hela iha sira nia hela fatin, inklui nesesidade bázika ai-han menus ba dadaun.
Porta Voz EKSES-COVID-20, Rosario Ximenes ba jornalista sira hateten Ministeriu Koordenador Asuntu Ekonomiku no AIFAEA kontrola no interven presu sasan bazika iha merkadu sira iha Municipio Covalima ne’ebe oras ne’e komesa sae.
“Povu Fatumea hahú infrenta menus ai-han tanba la iha ona asesu ba merkadu, no hahú susar asesu ba bee moos, tanba iha impedimentu ba sira nia mobilidade iha area afetadu, nune husu mós ba Ministeriu relevante atu apoiu subsidiu nesesariu sira ba família vulneravel sira iha afeta COVID-19”, hateten Porta Voz EKSES-COVID-20 iha Sede RENETIL Farol, 27/02
Porta Voz EKSES-COVID-20 rekomenda ba komunidade negosiante sira, atu labele aproveita situasaun ne’e hodi hasae folin sasán iha merkadu no mós ba sira ne’ebé mak lokaliza iha area afetadu iha Municipiu Covalima, husu mós apoiu parseiro desenvolvimentu nasionál no internasionál atu hatudu justu soliedariedade ajuda komunidade iha Covalima.
Sira konklui katak komunidade Covalima tomak iha area iha afetadu COVID-29, atu kontinua kumpre regras estadu emergencia no kumpre protokolu Ministeriu Saúde no Organizasaun Saúde Mundiál ba prevensaun, hanesan fase liman, tau maskara no mantein distansiamentu sosial, hakmatek iha uma se la iha nesesidade importante ruma iha li’ur, tau fiar de’it ba ekipa serbisu saúde no ekipa frontline sira nia serbisu, labele fiar ba kualker informasaun falsu ka hoax ne’ebé espalha iha públiku.
