Home Notisia KHUNTO Prepara Estrutura Ba 2023, Naimori: Juramentu Mak Uniku Atu Bele Fiar...

KHUNTO Prepara Estrutura Ba 2023, Naimori: Juramentu Mak Uniku Atu Bele Fiar Malu

3883
0
Konseleiro Maximu partidu KHUNTO, Naimori Bucar. [Foto: Santina Lucia da Costa | 06.03.2020]

Reportazen Zevonia Vieira

Partidu Kmanek Haburas Unidade Nasional Timor Oan [KHUNTO] realiza kongresu ho tema Hahoris Ho Moris. Hafoin remata sesaun dader nian iha kongresu ne’ebe realiza iha CCD, jornalista Neon Metin halo entrevista ho Konseleiro Maximu partidu KHUNTO, Naimori Bucar konaba objetivu hosi kongresu refere, karik atu truka estrutura foun inklui Prezidente no Konseleiru Maximu KHUNTO nian?

Ba neon Metin Naimori hateten kongresu ne’e realiza ho objetivu atu restrutura fali strutura nasional, hodi prepara ba tinan 2023 nian.

“Estrutura liu hosi kongresu ida ne’e, atu restrutura fali ita nia strutura nasional para atu prepara ba iha tinan 2023, para idak-idak bele halo nia serbisu. Partidu KHUNTO nia Prezidente no Konseleiro nia pozisaun sei nafatin, maibe hosi sekretariu tun fali ba iha vice Prezidente, sei hare no delegadu sira sei hili, ida ne’e mak sira sei fo fiar atu assume kargu hanesan adjuntu Sekretariu Jeral ho Vice Prezidente”, hateten Naimori iha CCD, 06/03.

Relasiona ho militantes partidu KHUNTO ne’ebe tenke halo juramentu tuir partidu nia dutrina, ba Neon Metin Naimori hateten juramentu mak uniku ne’ebe partidu KHUNTO halo, tanba ne’e kaer metin lia fuan unidade nasional.

Ida ne’e mak uniku iha partidu KHUNTO, tanba ne’e mak hasai lia fuan unidade nasional, laos hosi nahe biti boot, laos ita dada malu ba koalia iha tasi ibun, maibe tenke liu hosi juramentu, para atu fo fiar  ba malu, para tama iha politika hodi bele lori ita nia programa ba oin ho diak no bele fiar malu, se lae ita sei la rona malu”, hateten Naimori.

Sekarik kontra juramentu ne’ebe halo ona? Naimori hateten ba Neon Metin, “ne’e ba nia an rasik, tanba juramentu laos ba ema ida, maibe juramentu ba nia an, katak saida mak nia halo, ida ne’e mak nia tenke simu”.

Iha kongresu KHUNTO nian tuir observasaun hosi Neon Metin hatudu katak hetan partisipasaun masimu hosi kongresista sira, ne’ebe mai hosi municipio 12, inklui RAEOA, Sekretariu Jeral partidu FRETILIN, Dr. Mari Alkatiri, Embaixador Indonesia, organizasaun sosiadade sivil no observador nasional sira.

LEAVE A REPLY

Please enter your comment!
Please enter your name here