Reportazen Zevonia Vieira
Enkontru entre koligasaun foun ne’ebe lidera hosi Prezidente partidu CNRT, Kay Rala Xanana Gusmao, halao iha minute balun nia laran, iha palacio prezidensia.
Hafoin enkontru hotu jornalista Neon Metin koko halo konfirmasaun ho portavoz, Antonio Conceicao “Kalohan” iha area liur palacio prezidensia nian, relasiona ho enkontru balun ho Prezidente da Republika, karik sei iha nesesidade hodi uza ultimu rekursu ba eleisaun antesipada?
Ba Neon Metin Kalohan hateten iha enkontru ida ne’e Prezidente atu hare liu bazea ba enkontru partidus politikus sira ne’ebe mak mai hato’o iha Prezidente da Republika, intensaun principal sira atu forma governu ne’e halo oinsa
“Ba eleisaun antesipada ne’e hau labele hateten tanba ida ne’e Prezidente da Republika nia kompetensia”, hateten Kalohan ba Neon Metin, iha palacio prezidensia, 06/03.
Tuir observasuan jornalista Neon Metin katak hafoin enkontru, Lider partidu Kaya Rala Xanana Gusmao, Mariano Sabino “Asanami”, Armanda Berta, Ejidio de Jesus, Antonio de sa Benevides no Rudolfo Guterres la halo entrevista ho jornalista sira, maibe koligasaun refere desidi Sekretariu Jeral PD, Antonio Conceicao hodi hato’o rezultadu enkontru ho jornalista sira.
