Home Notisia FMTL Ezije Governu Harii Centro Halo Swab Test, Hodi Fasilita Ema Fila...

FMTL Ezije Governu Harii Centro Halo Swab Test, Hodi Fasilita Ema Fila Ba Foho

525
0
situasaun bainhira komunidade sira ezije hakarak fila ba sira nia knua iha Tasi Tolu. [Foto: Copyright FB Olan | 03.04.2021]

Reportazen Francisco JDA

Relasiona ho situasaun atual hosi serka sanitaria, ne’ebe afeta ba estudante sira hosi municipio seluk ne’ebe mai halo estudu iha kapital Dili, no iha loron 2 Abril 2021, komunidade barak inklui estudante sira ne’ebe ezije hakarak fila ba sira nia knua, ho razaun ezijensia nesesidade lor-loron nian ne’ebe labele responde ona

Liu hosi konferensia imprensa Front Mahasiswa Timor-Leste (FMTL) ezije ba governu atu kria centro ba Swab test, atu nune’e bele fasilita estudante no komunidade sira fila ba foho, tanba se iha de’it Dili fo risku ba hamlaha.

Tuir Porta Voz FMTL, Izaias Soares ba jornalista sira hateten, ema barak dadaun ne’e hakarak fila ba ida-idak nia municipiu, se la permite komunidade sira sai hosi Dili, risku boot demais bele provoka frustrasaun konflitu no hamlaha no situasaun bele muda ba desobidensia sosial.

“Ami sujere atu kria centro tolu ka haat iha Dili para fasilita teste Swab ba estudante unversitariu sira no komunidade hirak nebe origem husi munisipio seluk, ne’ebé hakarak fila ba munisipiu, no bele loke komunikasaun ho autoridade sira ne’ebé estudante sira ne’e destina-an ba iha ambitu Estado Emergensia (Serca Sanitária no Confinamento Obrigatório),” hatete Porta Voz FMTL, Izaias Soares iha FONGTIL, 03/04

Izaias Soares  reforsa tan husu mós ba autoridade sira, atu atua situasaun ho kalma atu prevene situasaun tama iha sirkunstansia ne’ebé liu kapasidade atu kontrola.

Entertantu ativista FMTL, Noe Bermandino Ximenes afirma tan katak governu iha responsabilidade moral atu responsabiliza nia povu, se labele akontese distansia sosial maibé povu revolta tan hamlaha

“Ami estudante hamutuk ho povu, fo tempu para atu governu deside urjentemente, segunda tenki hatun despaxu klaru, katak governu fo hahán ba han ou sira bele fila ba uma, se opsaun rua ne’e la iha hotu no povu ne’e hamlaha, FMTL lian ba povu, nune’e fatin la’ós iha Tacitolu, Hera no Manleu atu fila ba foho, maibé mai iha Parlamentu para ezije sira foti desizaun, nune’e fila ba foho ida, ne’e dalan uniku para atu halo,” hateten Noe Bermandino Ximenes

Print Friendly, PDF & Email

LEAVE A REPLY

Please enter your comment!
Please enter your name here