Home Justisa Aktu Violensia Viral iha MedSos, Euclides: Antes Ne’e Sira Mos Komete Krimi...

Aktu Violensia Viral iha MedSos, Euclides: Antes Ne’e Sira Mos Komete Krimi Asaltu

1701
0
jovem nain 2 ne'ebe heta torturasaun hosi grupu seluk. [Foto: copyright video iha MedSos | 22.03.2021]

Reportazen Francisco JDA

Relasiona ho joven nain rua ho inisial AC no AD ne’ebé nia video viral iha media sosial (MedSos), ba jornalista sira Segundo Comandante Polícia Nacional Timor-Leste (PNTL) Município Díli, Superintendente Euclides da Costa Belo hateten tuir informasaun katak sira nain rua antes ne’e mós komete krime danu ka asaltu ema nia propriedade iha Kampu Alor, nune’e rezultadu investigasaun sei la’o hela, depois ida ne’e sira nain rua, sai fali vitima ba asaun grupu ida, mak halo fila fali ba sira impede no kaptura.

“Kuandu kaptura ona, komunika ba polísia, nune’e polísia ba foti submete sira nain rua ba iha prosesu investigasaun no submete ba partisipasaun prosesual, para sira responde ba aktu ne’ebé sira komete mas mosu tan fila fali asaun seluk ka krime seluk hanesan torturasaun, baku agresaun fízika, ne’ebé sira nain rua sai fila fali vitima asaun krime, maibé polísia la hare ba partes A ho B, polísia hare saida mak akontese konsidera krimi. Polísia foti medida tanba ne’e mak alin na’in rua ne’e iha ona detensaun polísia nian, para submete kompletamente ba prosesu investigasaun ne’ebé sesaun Investigasaun Polísia Dili mak dirige,” hateten Suprentendente Xefi Euklides da Costa Belo Iha Eskudra Kaikoli, 21/03

Suprentendente Xefi Municipiu Dili Euclides Da Costa Belo reforsa tan, bazeia ba video sira ne’ebé iha, nune’e buka tuir ona sira ne’ebé mak halo asaun fiziku hasoru sira nain rua, tanba kodigu penal hatete ho meius saida de’it fizikamente halo terus no hakanek ema ne’e krimi.

“Ida seluk tato iha kakorok mak Anti Polísia, F- FDTL, BOP sira nain rua halo uluk krime asaltu estraga mós ema nia propriedade iha Kampu Alor, nune’e sira sai fali tan vitima ba baku no agresaun fízika, nune’e polísia buka tuir hela no sei submete hotu ba auto partisipasaun prosesual,” hateten Euclides da Costa Belo

Print Friendly, PDF & Email

LEAVE A REPLY

Please enter your comment!
Please enter your name here