Home Saude Nain 11 Auto-Kuarentena Iha HASATIL, Sei Halo Swab Teste Daruak Hodi Konfirma...

Nain 11 Auto-Kuarentena Iha HASATIL, Sei Halo Swab Teste Daruak Hodi Konfirma Fila Fali

405
0
ema nain 10 ne'ebe halo auto-kuanrentena iha Sede HASATIL. [Foto: Zevonia Vieira | 22.03.2021]

Reportazen Zevonia Vieira

Relasiona ho ema nain ida ne’ebe pozitivu COVID-19 iha sede HASATIL, iha loron 18 Marsu no ekipa saude lori ba iha ona sala isolmentu Tasi Tolu, no ema ne’ebe kontaktu besik ho pasiente refere hamutuk nain 11 ne’ebe to’o ohin loron sedauk hetan rezultadu hosi swab test, maibe kontinua halo auto-kuarentena iha sede HASATIL-Farol, liu hosi zoom press conference bainhira Neon Metin halo konfirmasaun karik ida ne’e signifika ema nain 10 ne’ebe kontaktu besik nia rezultadu teste negativu?

Ba Neon Metin, Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo hatan katak regra ne’ebe iha, ema ne’ebe kontaktu besik ho kazu pozitivu agora dadaun sei iha fatin atu ba kuarentena iha fasilidade ne’ebe estadu determina hodi lori ba ne’eba, se laiha sira bele halo auto-kuarentena.

“Sira ne’ebe la hetan indikasaun katak sira la pozitivu, signifika sira negative, maibe ba sira ne’ebe auto-kuarentena rezultadu premeiru negative, ne’e la signifika katak sira livre ona hosi virus, tanba periodu inkubasaun hosi virus ne’e. Sekarik rezultadu premeiru negativu, ita hein tan loron 10 no se liu tiha loron 10 negativu nafatin, ne’e maki ta bele dehan virus ne’e laiha ema nia isin laran”, esplika Dr. Rui Araujo, iha zoom press conference, 22/03.

Nia reafirma parte CIJK rezista kazu HASATIL nian no ekipa vijilansia sei hare tuir rezultadu premeiru nian no bainhira mak halo tan teste segundu no sei konfirma virus ne’e iha duni ka lae.

Iha parte seluk Neon Metin halo entrevista via telefone ho pesoal ne’ebe mak halo hela auto-kuarentena iha HASATIL konaba situasaun sira nian. Via telefone ba Neon Metin pesoal ne’e hatan katak sira hetan ona swab test iha loron 18 Marsu, hamutuk ema nain 11 (mane 10 no feto nain 1) no ekipa mediku sira sedauk fo rezultadu teste.

“Tanba to’o ohin loron sira la mai tula ami, entaun bele dehan katak ami negative, tanba antes swab test ami rona hosi ekipa mediku sira se pozitivu mak sira sei kontaktu no lori bas ala izolamentu. Maibe ami kontinua kumpri regra hosi Ministeriu Saude katal ami kontinua halo auto-kuarentena durante loron 14 hodi hein rezultadu”, dehan pesoal ho inisial RO ne’ebe dadauk ne’e kumpri hela auto-kuarentena iha HASATIL-Farol.

Dadus jeral ba ohin loron 22 Marsu deteta kazu foun nain 9, kazu rekuperadu nain 4,  kazu ativu hamutuk 211. Kazu nain 9 ohin iha mane nain 2, feto nain 7,  ema ho idade tinan 8-11 nain 2, ema ho idade entre tinan 19-42 nain 7, ema sintomátiku nain 1, ema asintomátiku nain 8.

Print Friendly, PDF & Email

LEAVE A REPLY

Please enter your comment!
Please enter your name here