Home Notisia Governu Sei Prepara Kareta Ida Ba Suku Ida, Hodi Fahe Subsidiu, PM:...

Governu Sei Prepara Kareta Ida Ba Suku Ida, Hodi Fahe Subsidiu, PM: Povu Tenke Pasiensia

4406
0
Primeiru Ministru Taur Matan Ruak. [Foto: Francisco JDA | 27.04.2020]

Reportazen Raimundo Seguerau

Relasiona ho subsidiu hosi governu, hodi tulun sidadun sira (kada uma kain) ne’ebe sei simu subsidiu tanba impaktu hodi Covid-19,  tuir informasaun ne’ebe relata hosi Primeiru Ministru, Taur Matan Ruak governu sei prepara hela kareta ida ba kada suku, hodi fasilita atividade fahe subsidiu.

Agora dadaun VIII Governu Konstitusional liu hosi Ministeriu Finansas (MF) sei buka hela kareta, ho objetivu atu fó subsidiu ba populasaun sira iha teritoriu Timor laran tomak, hahu husi nasionál to’o iha baze”, hateten Primeiru Ministru iha uma fukun Parlamentu Nasional, 27/05.

Nune’e Primeiru Ministru husu ba populasaun sira tenke pasiensia hein subsidiu husi governu tanba dadaun ne’e, governu sei buka hela kareta hodi fó subsidiu ba populasaun sira ho suku ida kareta ida.

 “Foin dadauk Ministeriu Solidariedade Sosiál atu implementa $00 dolares ne’e, ita presiza kareta 200 resin, kada suku ida kareta ida, restante ita tenke aluga”, dehan Taur hodi hatan preokupasaun deputadu/a sira nian iha Parlamentu Nasional.

Nia haktuir pratikamente ita halo buat hotu, maibé labele tanba ita nia rekursu limitadu los, ita halo esforsu para dentru posibilidades ne’ebé iha bele responde nesesidades populasaun sira nian. agora ita nia populasaun tenke komprende.

Momentu sira hanesan ne’e mak teste ita nia kapasidade resistensia, ita tenke reziste to’o iha ne’ebé. Ita nia istória hatudu katak, se kaundu ita reziste, iha fator rua importante, ida mak ita nia pasiensia, rua mak ita nia estratejia.

“Se ita laiha pasiensia ita labele reziste, ita deziste iha primeiru tempu, ita labele deziste tanba ita povu ida lutadór, lases husi dezafiu sira, se mate fó-an ba mate, se ita moris hela, fó aan fali ba mate, ne’e iha ita nia istoria”, hateten nia

Taur hateten naturalmente apoiu hotu-hotu tenke iha no hotu-hotu tenke sente katak problema ne’e ita hotu nian, husi labarik, ferik, katuas, kiik to boot, matenek, riku no kiak hotu-hotu tenke hamutuk ajuda para ita nia nasaun ba oin.

“Se ne’e mak idak-idak nia-an, naturalmente, ita dada labele, dudu labele, ita hakdasak iha dalan, ita husu ba se, se mak sala, ita mak sala tanba projetu ita nian, projetu povu ida nian, nasaun ida nian ne’e la fasil”, tenik Taur Matan Ruak

LEAVE A REPLY

Please enter your comment!
Please enter your name here