Reportajen Joselina dos Reis
Governu liuhosi Vise Ministru Administrasaun Estatál (MAE), organiza seremónia distribuisaun material eleisaun suku ba Orgaun Suco sira ne’ebé sei realiza elisaun suku iha loron 28 fulan Otumbro 2023. Objetivu husi distribuisaun material ne’e atu prepara ba eleisaun Suco ne’ebé sei determina husi komunidade kada Suco ba periodu 2023-2028.
Vise Ministru Administrasaun Estatál (MAE), Jacinto Rigoberto Gomes de Deus hateten, Ohin hamutuk hodi akompaña distribuisaun materias nu’udar feze importante iha prosesu eleisaun autoridade lokais nian, distribuisaun sensitivu materiais Eleisaun Suco ba Orgaun Suco nu’udar faze importamte ida iha nasaun. Timor hanesan nasaun ne’ebé foin ukun-an maibe halao eleisaun ho susesu. Eleisaun sira ne’e hotu fó ona esperensia diak ba instituisaun sira ne’ebé jere eleisaun hanesan STAE-CNE no parte relevante sira seluk nomós nternasional.
“Ita mós hanorin ona nasaun seluk kona-ba eleisaun, tanba ne’e ita tama ba eleisaun ne’ebé nia karakter diferente no importante ba orgaun Suco no orgaun aldeia nian. Eleisaun ida ne’e importante tanba orgaun sira ne’e mak sai nu’udar autoridade iha baze hodi hatene komunidade nia susar no terus no sira mak hamutuk ho komunidade sira hodi rezolve problema kimunidade sira hasoru no sira mak aprezenta komunidade sira-nia peokupasaun ba iha nivel Postu no nasional”, dehan, Vise Ministru Administrasaun Estatál, Jacinto Rigoberto Gomes de Deus, bainhira halo nia diskursu iha Edifisiu MAE Caicoli, segunda 23/10.
Governante ne’e hatutan, kandidau lideransa sira ne’ebé produs eleisaun iha loron 28 fulan Otumbro ne’e lideransa sira ne’ebé kaulidade no reprezentativu nu’udar nasaun demokratiku ema hotu iha direitu atu hili. Timor-Leste Suco hamutuk hatus haat haat-nulu resin-rua no kandidatu sira hamutuk rihun rua hatus rua resin, ne’e hatudu katak ema hotu iha vontade atu kontribui ba dezenvolvimentu rai ne’e.
“Distribuisaun simboliku ida ne’e, mak lori materiais sira hotu nia prosesu atu transporta husi nasional munisipiu to’o baze, ne’e duni tenke diak no kontrola. Nune’e to’o loron 28 fulan Otumbro materias sensitivu sira ne’e tuir regras buletim ne’ebé iha, tanba ita hakarak eleiaun suku ne’e lao ho diak no susesu”,
Nune’e MAE apela ba entidades hotu ne’ebé hola parte iha prosesu eleisaun atu asegura eleisau ida ne’e ho imparsialidade hodi hatudu nia rezultadu ho kualidade atu dezenvolve nasaun. Iha loron 28 fulan Otumbro depois eleisaun karik balun ba segunda ronde fó oportunidade semana rua, tanba governu iha planu katak iha loron 28 fulan Novembro autoridade sira ne’ebé eleitu atu hetan posse iha kada postu-administrativu.
“Autoridade sira ne’e mak sei hamutuk IX Governu hodi implementa programa no prioridade ne’ebé governu kria, espera katak prosesu eleisaun ida ne’e sei lao diak ho paz no estabilidade”, nia informa.
