Home Notisia Halo Negosiu Hatutan Moris, Rigoberta: Hakarak Eskola Iha Universidade Konaba Desportu

Halo Negosiu Hatutan Moris, Rigoberta: Hakarak Eskola Iha Universidade Konaba Desportu

1170
0
Rigoberta dos Santo Fatima. [Foto: Zevonia Vieira | 30.11.2020]

Reportazen Adroaldo ‘Saretukau’

Dalan atu buka moris no la depende ba ema, oinsa hikis kosar ba moris, ema idak-idak hili nia dalan, ho nune’e bele hetan netik dollar ida.

Situasaun ida ne’e akontese iha ema hotu nia moris, atu bele hatutan moris loron ohin no aban nian. Iha loron proklamasaun independensia ba dala 45 ne’ebe realiza iha municipi Liquisa, fo oportunidade ba negosiante kiik sira iha Liquisa, hodi bele hetan rendimentu ne’ebe bele diak liu loron babain.

Jornalista Neon Metin dada lia ho negosiante feto ne’ebe sei jovem , lori nia ai-han ne’ebe nia tein hodi bele faan netik iha fatin feira iha Lauhata. Rigoberta dos Santo Fatima, negosiante ida ne’ebe serve visitante sira ne’ebe ba han iha nia baraka oan halo hosi nu tahan. Hahan ne’ebe nia faan mak etu ho sate manu no batar fai daan.

Rigoberta aproveita loron proklamasaun ne’ebe loke feira hahu hosi 20 – 28 Novembru, hodi buka netik sorte hosi hahan ne’ebe nia faan. Ba Neon Metin Rigoberta hateten bainhira feria hahu hosi loron 20 Novembru, loron ida bele hetan $15-$20, tanba barak mos halo negosiu faan hahan, maibe antes ne’e nia bele hetan $30.00.

Rigoberta hosi suku Lauhata, Postu Bazarte konfesa katak hahu loron 20 Novembru ba leten rendimentu ne’ebe nia hetan komesa tun, tanba Rigoberto la tama iha stand feira (pameran), maibe iha dalan ninin deit.

Maibe ida ne’e la hamate espiritu Rigoberta nia atu para halo negosiu, karik ida ne’e laos nia sorte atu hetan rendimentu boot, importante nia bele hetan oituan, hodi sustenta moris uma laran nia ba loron aban

“Ami mak harii rasik tenda ne’e, ami ho prima sira de’it mak join hamutuk halo negósiu ne’e, ami fa’an hosi dader to’o oras 12 kalan”, hateten nia

Maske ho idade joven, Rigoberta badinas tebes buka moris liu hosi halo negósiu rasik, maske negósiu ki’ik maibé nia kontente tebes no karik hosi negosiu kiik ne’ebe Rigoberta halo, nia bele kontinua nia estudu iha universidade, ba Neon Metin Rigoberta iha mehi hakarak eskola konaba desportu, ho nune’e nia bele dezenvolve desportu Bola Aidila iha nia rai rasik no karik bele famouza mos iha municipiu seluk.

Espera negosiu ne’ebe nia halo ona, bele atinji duni nia mehi hodi kontinua nia eskola iha universidade, nudar feto Liquisa ana, hakarak fo roman ba nia rai Liquisa, atu sai sidade desportivu, ita hotu espera

Print Friendly, PDF & Email

LEAVE A REPLY

Please enter your comment!
Please enter your name here