Home EduTek Departamentu 20 UNITAL Sedauk Hetan Akreditasaun, ANAAA: Graduadu Sira nia Diploma Ministeriu...

Departamentu 20 UNITAL Sedauk Hetan Akreditasaun, ANAAA: Graduadu Sira nia Diploma Ministeriu Rekonnese

1774
0
Diretor Exekutivu ANAAA, Edmundo Viegas. [Foto: Francisco JDA | 30.11.2020]

Reportazen Francisco JDA

Relasiona ho kursu ka departamentu hamutuk 35 ne’ebe existe  iha Universidade Oriental Timor Lorosa’e (UNITAL) dadaun departamentu 15 mak tuir ona akreditasaun no 20 mak  to’o agora seidauk hetan akreditasaun hosi Ajensia Nasional Avaliasaun Akreditasaun Academika (ANAAA) inklui Departamentu Komunikasaun Sosial, Relasaun Internasional no Admistrasaun publika, signifika laos sei la akrediutadu,  maibé presiza iha estudante graduadu, hafoin bele submete dokumentu no depois ANAAA halo avaliasaun.

Neon Metin halo entrevista ho Diretor Exekutivu ANAAA, Edmundo Viegas, ba Neon Metin nia hateten estudante sira ne’ebe graduadu maske departamentu seidauk akreditadu, maibé sira nia diploma ministeriu governo rekonnese, kursu tolu iha fakuldade Siensia Sosiais Politika seidauk akreditadu to’o oras ne’e kursu tolu mak seidauk tuir  akreditasaun, maibé iha autorizadu.

“Ami iha lista jornál da  Republika, bainhira sira seidauk tuir akreditasaun sira nia naran iha lista autorizadu, signifika katak graduadu sira lalika preokupa, sira nia izasa ne’e ministériu rekoinese tanba sira nia kursu nia naran ne’e tama iha kursu lista autorizadu, ne’ebe mak governu publika liu hosi Jornál da Repúblika”, informa Diretor Executivu ANAAA Edmundo Viegas iha nia Knaar fatin Infordepe, Balide 30/11

Diretor Edmundu reforsa tan bainhira kursu ne’e tuir akreditasaun mak la liu, graduadu ba kotuk ne’e liu ona, maibé ba oin Ezemplu,  tuir akredetasaun 2021 mak la liu, karilk sira ne’ebe gradua iha 2021 ne’e ministériu sei haruka suspende, maibé sira ne’ebe gradua ona maske kursu seidauk akredita, ministériu rekoinese nafatin tanba sira nia naran tama iha kursu autorizadu.

“Seidauk tuir akreditasaun ne’e signifika imi bele lao nafatin to’o gradua, alin sira ne’ebe gradua tiha ona ka atu gradua fali karik bainhira imi seidauk tuir akreditasaun ne’e la iha problema imi nia kursu ne’e autorizadu imi bele gradua, maibé momentu ne’ebe mak ami ba avalia akredita mak imi la liu karik, mak sura hosi ne’e imi nia wisuda sira ne’e ministeriu sei haruka suspende lai, tenki hadia tinan rua”,hatete Diretor Edmundu Viegas.

Nia dehan importante departamentu mak sei halo relatóriu hatoo ba ANAAA no kaer ba relatóriu ne’e, mak sei haruka avaliador tun ba hare iha kritéria 10 no indikadór atus ida resin, kritéria seluk oinsá planu estrategiku universidade nian, visaun, misaun, objetivu estrutura, realidade hatudu kursu ne’e lao hela, signifika kursu ne’e iha hela kritéria ona maibe departamentu dekanu no xefe departamentu tenke prepara relatoriu

“Iha ami nia kritéria ne’e ami husu mos graduadu hira ona, servisu iha ne’ebe ona, lori tempu hira atu hetan servisu buat sira ne’e tama hotu kritéria se seidauk iha graduadu sei bele hatete kona ba ida ne’e, depois hosi lulusan sira ne’e tenki fo fali feedback ne’e kritéria nu 10 graduadu sira ne’ebe sai ona ne’e, tanba ne’e mak ami ezise kursu ne’e tenki iha tiha lai graduadu”, dehan diretór Ezecutivu ANAAA Edmundu Viegas

Lista graduadu ne’ebe publika ona iha Jornal da Republika 2019, diploma ministerial UNITAL no.73/2019, 10 de Dezembro kursu autorizadu 35.

Graduadu sira ne’ebe liu ona ne’e lalika preokupa sira nia kursu iha jornál da repúblika 2019 diploma  ministerial UNITAL nian nu 73, 2019, 10 de Dezembro kursu autorizadu 35.

Print Friendly, PDF & Email

LEAVE A REPLY

Please enter your comment!
Please enter your name here