Home Notisia Kampaña CNRT nian Iha Baucau: Hadi’a Kualidade Edukasaun no Promove Inkluzaun Sosiál

Kampaña CNRT nian Iha Baucau: Hadi’a Kualidade Edukasaun no Promove Inkluzaun Sosiál

394
0
Partidu CNRT nia kampana iha Baucau. [Foto: copyright media CNRT | 24.04.2023]

Reportajen Joselina dos Santos

Programa Kampaña Eletorál Partidu Conselho Nacional  Resistência Tomor (CNRT), iha Munisipiu Baucau, karik povu fó fiar iha eleisaun parlamentár, CNRT sei hadi’a sistema órgaun soberania hanesan parlamentu nasionál no governu tanba CNRT iha prinsípiu ukun governu tenke serbi rai no povu liuhosi hadi’a kualidade no asesu ba ensinu , hadi’a no habelar kualidade saúde, promove inkluzaun sosial.

Iha Kampaña Eletorál Partidu Conselho Nacional Resistência Tomor (CNRT), iha Baucau, Prezidente Partidu CNRT, Kay Rala Xanana Gusmão hateten, bainhira  Baukau oan fó fiar ba CNRT, sei hadi’a sistema ne’ebe uluk estabelese husi parlamentu to’o Governu, maibe Eis-Prezidente ne’e la esplika klaru kona-ba sistema politika ka sistema governasaun, tanba Ezistensia partidu politiku ida harii tenke iha programa nune’e bele implementa. Tanba ne’e povu fó fiar iha eleisaun parlamentár  CNRT iha prinsípiu ukun governu tenke serbi rai no povu,  harii dezenvolvimentu sé lae paradu.

Nune’’e mós dezenvolve rai liuhosi programa ne’ebé prepara ona ligadu ho planu dezenvolvimentu estratéjiku hanesan dezenvolve ekonomia atu kria kampu serbisu no hadi’a povu nia moris , governasaun di’ak hodi hakbesik prestasaun ba povu no promove infraestrutura. Tanba nasaun ukun aan tenke dezenvolve setór ekonomia nune’e kumpre palavra orden katak tenke manán maioria absuluta hodi fó fatin ba partidu forma governu atu hadi’a sistema , defende fundu minarai no kontinua gaña konfiansa hosi mundu internasionál.

“Ami iha kampaña komísiu kompromete sei iha governasaun di’ak hodi hakbesik ba povu liuhosi programa hanesan dezenvolve kapitál umanu hanesan hadi’a kualidade no asesu ba ensinu , hadi’a no habelar kualidade saúde, promove inkluzaun sosial, governasaun lokál no justisa. Nune’e mós dezenvolve ekonomia hanesan kria kampu serbisu no hadi’a povu nia moris liuhosi kriasaun kampu serbisu ba ema hotu liuliu juven sira, industrializasaun no komersializasaun ba setór produtivu sira, harii industria kosta sul no estabelese zona industrial,’ Dehan Prezidente CNRT, Kay Rala Xanana Gusmão banhira halo kampaña iha kampu Tirloca Baucau, Domingu 23/04.

Alende ne’e mós promove infraestrutura hanesan reabilita estrada no konstrui ponte hosi nasionál to’o rurál, reabilita no halo jestaun ba portu, aeroportu no fibra obtika, asegura asesu fornesimentu eletrisidade, bee-moos inklui saneamentu no irrigasaun ba ema hotu no ne’ebé seguru no efisiente inklui implementa ordenamentu territóriu no abitasaun dignu ba povu .

Print Friendly, PDF & Email

LEAVE A REPLY

Please enter your comment!
Please enter your name here