Reportajen Agustinha Amaral
Relasiona ho akontesimetu iha semana kotuk ne’ebé deskonfia estudante ida ba iha Loja BOFA Kampung Baru ne’ebé ema deskonfia foti sasan, ohin (23/10) Xefe Autoridade Comoro Eurico da Costa de Jesus ho loja na’in no traballador sira halo deklarasaun ba públiku katak problema hotu rezolvidu ona.
Xefe Suku ne’e dehan, hamutuk ho maluk sira ne’ebá mak la seguru iha Loja BOFA ba akontesementu iha dia 19-10-2023 katak ita nia ema balu, sira deskonfia foti sasan Xina nian ne’ebé mak viral iha públiku, patraun ne’e rasik rezolve ona ho alin feto ne’e nune’e buat hotu laiha ona. Nia dehan, agora loron ida ohin ita deklara katak ema ida la dun ona ema ida katak na’ok sasan, sasan ne’e seidauk selu mak Loja na’in hatete atu selu, iha média ne’ebé mak sira fo ne’e laloos, Xefe Suku rasik hamutuk ho Loja BOFA hodi asegura sira tanba sente la seguru iha loron ida ou rua liu ba.
“Ho ida ne’e mak ohin fo sai ona iha jeral ba komunidade sira hotu-hotu iha Aldeia 4 Setembru ho Aldeia sira hotu katak hola sasan karik laiha tan ema ida atu ba halo problema ho kariawan sira no patraun iha Loja BOFA, ne’e mak Xefe Suku konvida imi hotu atu fo sai ba públiku, laiha tan ona problema ne’ebé mak akontese rezolvidu hotu ona.” Tenik nia.
Traballadora loja BOFA, Valina Maia Pereira Soaresiha hatete, video ne’ebé mak viral iha sosial media sira mos la hatene, tanba video ne’ebe mak iha CCTV sira apaga hotu ona iha momentu ne’ebá.
“Ami halo ami nia servisu to’o lokraik, ami la hatene video ne’e viral, depois lokraik ami fila iha dalan mak ema dehan video ne’e viral, ne’e mak ami foin loke fali telefone hodi haree vídeo ne’e viral, ami la hatene, atu patraun fali, ami kariawan fali ga ami la halo, video ne’e viral. Nia foti duni ami ba to’o polísia mos nia deklara katak nia foti duni sasan.” Nia dehan.
