Home Notisia CNRT Ho nia Aliadu Lamenta Extensaun EE Tanba Povu Kiik Sira Moris...

CNRT Ho nia Aliadu Lamenta Extensaun EE Tanba Povu Kiik Sira Moris Terus

864
0
bankada CNRT ho nia aliadu sira iha press conference. [Foto: Raimundu Seguerau | 27.05.2020]

Reportazen Raimundo Seguerau

Partidu Congreso Nasional Reconstrução Timorense (CNRT) ho nia aliadu sira hanesan UDT/FM no PUDD lamenta tebes ba desizaun governu no Prezidente da Republika nian hodi husu Parlamentu Nasional (PN) nian autorizasaun ba extensaun Estadu Emerjensia  (EE) ba faze datoluk.

Tuir Portavoz iha banakda CNRT, Oscar de Araujo kata laiha razaun atu fundamenta extensaun Estadu Emerjensia ba dala tolu, maibé lolos bele halo de’it medidas emerjensia atu prevene transmisaun Covid-19 ba ita nia komunidade sira.

“Bankada CNRT ho nia aliadu sira lamenta tebes ho extensaun estadu emerjensia tanba povu kiik sira lakon servisu, tanis no hamlaha, moris terus”, dehan Portavoz liuhusi konferensia imprensa iha PN, Dili 27/05.

Portavoz ne’e hateten razaun sira lamenta tanba, pandemia Covid-19 reduz ba beibeik no agora dadaun laiha pasiente Covid-19, ne’e hatudu katak Estadu Emerjensia ne’e halo terus povu kiik no estraga de’it osan, tanba governu sosa ekipamentus ho osan boot sei rai de’it iha armajen.

Tanba haree ba esperensia implementasaun Estadu Emerjensia daruak ne’e la’o la tuir ona regra EE nian, tanba polítiku sira uza EE hodi sukita malu no asalata poder no konsidera katak EE ne’e sai nu’udar meius de’it ba governu ne’ebé forma husi aliadu illegal sira hodi buka hadau no atinji sira nia interese polítika no poder.

“EE sai de’it instrumentu polítiku hodi hametin ganansia ba poder, tanba ne’e mak bankada CNRT ho nia aliadu sira la partisipa iha plenaria ne’ebé prezide husi Prezidente Parlamentu Nasional illegal ba estensaun estadu emerjensia datoluk”, nia lamenta.

Oscar hateten sira mós senkoraja populasaun tomak iha teritoria Timor-Leste laran tomak, atu kuidadu-an nafatin saude, fase liman beibeik no kumpre distansia sosiál tuir orientasaun saude publika nian.

LEAVE A REPLY

Please enter your comment!
Please enter your name here