Home Notisia Covid-19, Dr. Rui: Transmisaun Lokal Iha Ona, Maibe Sedauk Iha Transmisaun Komunidade

Covid-19, Dr. Rui: Transmisaun Lokal Iha Ona, Maibe Sedauk Iha Transmisaun Komunidade

2505
0
Ilustrasaun ba imunidade kontra virus Corona. [Foto: Copyright Pinter Resep | 13.04.2020]

Reportazen Zevonia Vieira

Relasiona ho kazu konfirmadu Covid-19 hamutuk 18, no hosi numeru ida ne’e, 1 kuradu ka rekupera ona. Kazu ne’ebe maka afeta mai Timor-Leste nudar kazu importadu tuir esplikasaun portavoz Cenru Integradu Jestaun Krize [CIJK].

Ho kondisaun refere, Neon Metin halo konfirmasaun karik tuir CIJK ka mediku sira nia hanoin mais menus hosi 0 pursentu to’o 100 pursentu, akontese transmisaun local iha pursentu hira? Ba Neon Metin portavoz CIJK, Dr. Rui Araujo esplika katak agora dadauk transmisaun lokal iha ona, maibe transmisaun iha komunidade mak sedauk.

“Transmisaun lokal ne’e lao tanba sira hela hamutuk iha hotel hanesan ka hela iha hotel ida, balun komesa positivu ona, balun komesa provavel ona ne’e hatudu katak iha transmisaun local. Transmisaun lokal ne’ebe agora dadauk iha ne’e ita kontrola hela”, esplika Dr. Rui iha CCD, 17/04.

Dr. Rui hatutan sekarik bainhira sira ne’e sai ba komunidade ona, ne’e mak ita bolu dehan transmisaun iha komunidade, “Ita labele  preve katak 100 pursentu ka 50 pursentu ka 10 pursentu maibe faktus mak ne’e transmisaun lokal hosi kazu balun ne’ebe importa mai oras ne’e dadauk hahu ona”.

Esplikasaun hanesan mos hato’o hosi portavoz Dra. Odete Viegas iha loron 16/04 iha centru media CIJK katak, governu kontinua halo serbisu hodi kontrola maluk sira ne’ebe hela iha kuarentena obrigatoriu no objetivu final ne’ebe governu hakarak mai sei laiha tan transmisaun local ba komunidade sira iha liur.

Tuir dadus ne’ebe mak iha kazu konfirmadu total 18, no sedauk iha kazu foun iha loron 17 Abril. Total kazu suspeitu 236 no iha horseik iha total 229. Total kazu provavel iha 4, total rezultadu laboratoriu sedauk hatene iha 19 no iha horseik iha 12 no total negative 195.

Print Friendly, PDF & Email

LEAVE A REPLY

Please enter your comment!
Please enter your name here