Home Uncategorized Covid-19 Afeta Ema Ho Difisiensia, Sira Labele Partisipa Iha Programa Aprendizajen

Covid-19 Afeta Ema Ho Difisiensia, Sira Labele Partisipa Iha Programa Aprendizajen

659
0
Treinador Programa Advokasia Edukasaun Inkluzuvu, Jesuino de Arauju. [Foto: Francisco JDA | 28.05.2020]

Reportazen Francisco JDA

Estadu Emergencia tanba surtu Covid-19 ne’ebé dadaun ne’e Timor-Leste hasoru, fo  impaktu ba ema hotu, liliu ba maluk ema ho difisensia nia atividade. Ema difisiente barak trauma no sira fila fali ba sira nia knua no halo isolamentu iha sira nia uma rasik, nune’e atividade sira hanesan edukasaun ba difisensia sira mós Paradu total.

Treinador Programa Advokasia Edukasaun Inkluzuvu, Jesuino de Arauju Ba Neon Metin hateten, difisiensia sira dala barak trauma ho situasaun sira hanesan Covid-19 no Estadu Emergencia bainhira sira rona issue, sira tauk no afetadu liu, nune’e sira labele tuir atividade hanesan treinamentu ou programa aprendizajen kona ba komputador hanesan Word Exel no Power Point.

“Ema ho difisensia ne’e afetadu lalais, liu-liu kona ba Covid-19, ami nia atividade iha ne’e durante fulan rua paradu. Difisensia ne’ebé tuir treinamentu iha tipu tolu hanesan Difisensia Matan, Tulun, no Fiziku sira mai eskola ensino rekorente no kona ba kursu komputador nian iha mós programa bolsu estudu ba maluk difisensia sira nune’e bele aprende iha Universidade Nasionál Timor Lorosae. Bainhira sira free mak bele mai kursu iha ne’e”, tenik Treinador programa Advikasia Edukasaun Inkluzuvu Jesuino iha Kintal Boot, 28/05

Jesuino de Arauju husu ba governante sira atu loke neon no loke matan,  fó laran ba maluk difisensia sira ne’ebé oras ne’e namkari iha Timor laran, tenki fo apoio nesesidade baziku nune’e bele moris ba loron loron nian. Husu Nain ulun sira fo netik karidade ba maluk difisiente sira nune’e sira bele sente katak governu mós hare sira.

LEAVE A REPLY

Please enter your comment!
Please enter your name here