Reportazen Francisco JDA
Relasiona ho pandemia COVID-19 no Serka Sanitaria la’o besik fulan rua nia laran, hodi suspende atividade distribuisaun Sexta Bázika, maibe dadaun ne’e atividade distribuisaun Sexta Bazika la’o normál fila fali, hodi distribui ba komunidade sira ne’ebé seidauk asesu
Ministro Koordenador Asuntu Ekonomiku, Joaquim Amaral ba jornalista hateten, ohin Sexta Zázika hahú fali nia atividade iha Dili, Becora no sei kontinua ba municipiu no suku sira ne’ebé Sexta Bázika seidauk distribui.
“Distribuisaun ne’ebé la’o tuir kalendariu iha Dili sei iha total 84 mil, nune ema ne’ebé benefisia ona Sexta Bázika hamutuk 1 miliaun resin no atinji ona 79%, pratikamente fulan rua ikus ne’e atividade la dun efetivu, suspende mak barak tanba serka sanitaria no konfinamentu, nune’e hein katak agora ne’e iha ona tempu oituan, atividade komesa la’o bele ajuda hakmaan komunidade nia situasaun difisil ba kalamidade ida ne’e,” hateten Ministru Joaquim Amaral iha Parlamentu Nasionál, 10/04
Ministru Joaquim Amaral realsa tan Municipiu sira ne’ebé Sexta Bázika seidauk kobre hotu mak, Baucau, Viqueque, Oe-cusse no Dili maibé hein katak situasaun ba transporte no dalan di’ak fila fali, fiar katak kompaniaa ka Ministeriu implementador sira bele konklui
“Governu husu tan $31 Milloens tau ba iha Sexta Bázika atu finaliza nia pagamentu, ha’u hanoin osan ne’e to’o ona atu bele selu hotu ba distribuisaun ne’ebé iha, tanba distribuisaun foin 79%,” hateten Joaquim Amaral
Nia dehan antes ne’e MCAE propoin orsamentu Sexta Bázika ho totál $71.5 milloens maibé no fin seidauk kobre hotu, nune’e governu husu tan $31 milloens hodi kompleta Sexta Bázika.
