Home Notisia EUA Sei Apoiu Dezenvolvimentu TL Ne’ebe Foka Ba F-FDTL

EUA Sei Apoiu Dezenvolvimentu TL Ne’ebe Foka Ba F-FDTL

322
0
Ministro Defesa no Seguransa, Brigadeiru Jeneral Filomeno da Paixão de Jesus. [Foto: David da Costa | 09.04.2021]

Reportazen David da Costa Gusmao*

Estadu Unidos da Amerika (EUA) liu husi nia embaixada iha Timor-Leste, sei apoiu tomak ba prosesu dezenvolvimentu iha Timor-Leste, liu-liu ba iha area seguransa, Falintil-Forsa Defesa Timor-Leste (F-FDTL) nian

Ministro Defesa no Seguransa, Brigadeiru Jeneral Filomeno da Paixão de Jesus hateten ohin hasoru malu Embaixador Amerika iha Timor-Leste, atu koalia kona ba  politika Estadus Unidos Amerika nian ne’ebe deside iha tinan kotuk, atu apoiu nafatin Timor-Leste nia dezenvolvimentu, em jeral halai liu ba iha F-FDTL nian. Sira apoia nafatin iha projeitu sira ne’ebe inisiu iha tinan 2001 to’o mai agora sira halao iha Timor.

“Partikularmente ita tenta iha ezersisiu haat ne’ebe halao iha tinan-tinan, sira insista tan katak sira prontu para halao nafatin. Iha osan ne’ebe sira apoiu ba ita iha rekursu humanu ba eskola iha liur, portantu militar ba komparte civil mos sira fo apoiu nafatin,” dehan Ministro Defesa Seguransa Iha Kuartel Jerál, iha Fatuhada, 9/04.

Nia haktuir iha ezersisiu haat ne’ebe EUA apoiu iha Kompente forsa Naval, Kompente forsa Terestre, Komponete forsa Aero no kompente apoiu serbisu.

Iha fatin hanesan Embaixador EUA iha Timor-Leste, Kevin Blackstone kontente tebes hasoru  malu ho Ministro Defesa, hodi bele koalia kona ba  parte defesa no seguransa entre nasaun rua nian “, nia dehan.

Nia salienta Estadu Unidus Amerika nia apoiu ba iha dezenvolvimentu iha Timor-Leste no mos nia  apoiu  ba iha formasaun  forsa militar Timor nian no programa interkambiu sira.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here