Home Notisia Governu Hahu Loke Atividade Arte Marsiál Ho Legalmente Nu’udar Desportu Nasionál

Governu Hahu Loke Atividade Arte Marsiál Ho Legalmente Nu’udar Desportu Nasionál

118
0
SEJD, Abrao Saldanha Nokosiku. [Foto: Silvino | 26.05.2022]

Reportajen Silvino Freitas

Governu liu hosi Sekretariu Estadu Juventude no Desportu (SEJD) ofisialmente lansa re-abertura ona atividade ezersísiu organizasaun arte marsiál ne’ebé antes governo taka hanesan Persaudaraan Setia Hati Terate (PSHT) Ikatan Kera Sakti (IKS) no Kmanek Oan Rai Klaran (KORK) ho mos hirak ne’ebé la taka hanesan PADJAJARAN, Perisai Diri (PD) no seluk tan hodi halao fali atividade ho legalmente hanesan desportu nasional.

Tuir Sekretariu Estadu Juventude no Desportu,  Abrao Saldanha hateten governo difini ona mekanizmu hamutuk ho arte marsial hirak ne’e hodi harii konsellu disiplinar kada arte marsial sira, nunee sira rasik ho kompremitidu atu kontrola ho disiplinar ba sira nia membru sira.

“Estadu rasik mos iha nia mekanizmu rasik atu kontrola liu hosi PNTL atu iha kolaborasaun ba responsabilidade arte marsial sira no sira harii ona konsellu disiplinar atu tau matan ba sira nia seguransa interna” dehan SEJD Abrao Saldanha hafoin halo lansamentu ba atividade iha Ginaziu Dili,(26/05).

Tuir nia implementasaun disiplinar ne’ebé atu halo ne’e organizasaun sira mak tenke halo barak no governo haforsa de’it hodi nunee bele regula membru sira bainhira liu hosi hahalok kontra bandu sira, no hahalok sira ne’ebé liga ho krime ne’e sei regula tuir lei iha tribunal.

Entretantu lider masimu PSHT Joao Martins hateten karik iha membru balun ne’ebé mak kontra regra sai halo kanselamentu provizoriu atividade treinu ba ranting, nunee aplika sansaun disiplinar ba sira hodi kumpri hafoin loke hikas fali.

“Regras sira mak hanesan tenke hakruuk ba regra estadu nian tamba organizasaun la boot liu estadu” Dehan Joao Martins iha Ginaziu Dili.

Nia hateten dadaun ne’e PSHT rejista ona membru hamutuk liu 60.000 no ba tinan ne’e sei halo graduasaun ba membru hamutuk liu 20.000 iha fulan agostu tinan ne’ebé sei realiza iha Timor Leste.

Fatin hanesan lider masimu IKS Silvestre Xavier Sufa haktuir IKS prontu ona kontribui ba dezenvolvimento liu hosi atividade sosial sira ne’ebé karik akontese iha munisipiu no bairu, IKS prontu koopera ho voluntariumente tamba iha ona mobilidade membru ho numeiru barak no iha mos rekursu.

“Karik iha membru ruma ne’ebé kontra regra organizasaun nian no la koopera ho estatuta organizasaun nian IKS sei foti desizaun atu hasai” nia konklui.

Print Friendly, PDF & Email

LEAVE A REPLY

Please enter your comment!
Please enter your name here